धोकादायक खंदकांतील पाणी उद्यापासून उपसण्‍याची शक्‍यता

लामगाव खाणीवर पंप : मुख्‍यमंत्र्यांच्‍या वक्तव्‍यानंतर हालचाली
Water in Mining Dump
Water in Mining DumpDainik Gomantak

डिचोली : लामगावच्या माथ्यावरील खंदक धोकादायक अवस्थेत आहे. या खाणीवर सुरक्षेच्या दृष्टीने तातडीने प्रतिबंधात्मक उपाययोजना हाती घ्यावी, अशी मागणी लामगावसह डिचोलीतील जनतेतून करण्‍यात येत आहे. खंदकांच्‍या सुरक्षेबाबत राज्य सरकार गंभीर असल्‍याचे मुख्यमंत्री डॉ. प्रमोद सावंत यांनी दोन दिवसांपूर्वी साखळीत पत्रकारांशी बोलताना स्पष्ट केले होते. त्यामुळे सोमवारपासून डिचोलीतील या धोकादायक खंदकातील पाण्याचा उपसा आदी प्रतिबंधात्मक उपाययोजना हाती घेण्यात येणार असल्याचे संकेत मिळाले आहेत. या खंदकात पाणी खेचणारे पंप असल्याचे दिसून येतात.

लामगावच्या माथ्यावर असलेले सेझा कंपनीचा हा खंदक दिवसेंदिवस धोकादायक बनत चालला आहे. शनिवारी त्‍याची पाहणी केली असता, खंदकातील पाणी नियंत्रित असल्याचे दिसून आले. मात्र खाणीवरील मातीची दरड कोसळण्याच्या स्‍थितीत आहे. आपत्कालीन व्यवस्थापनाअंतर्गत पावसाळा जवळ आला की संबंधित खाण कंपनीकडून सुरक्षेच्या दृष्टीने प्रतिबंधात्मक उपाययोजना करण्यात येत होती. मात्र गेल्या दोन वर्षांपासून त्याकडे दुर्लक्ष झाले आहे.

Water in Mining Dump
फोंडा व्यावसायिकांकडून करवाढ कमी करण्याची मागणी

आधीच लामगावच्या माथ्यावरील खंदक धोकादायक अवस्थेत आहे त्यातच गेल्या दोन-तीन दिवसांपासून सुरू असलेला पाऊस आणि जवळ आलेला मोसमी पावसाळा यामुळे लामगावसह डिचोली शहरातील जनतेची धाकधूक वाढली आहे. या खंदकावर तातडीने उपाययोजना कराव्‍यात, अशी मागणी जनतेतून करण्यात येत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com