फातोर्डा : मडगाव (Margao) शहराला काँक्रीट जंगलाचा विळखा पडत आहे. ठिकठिकाणी टोलेजंग इमारती उभ्या राहत आहेत. त्यामुळे पारंपरिक जलस्रोतांना धोका पोचला आहे. असे असले तरीही काही ठिकाणी शुद्ध पाण्याचे झरे अजूनही टिकून आहेत. झऱ्यांच्या या अस्तित्वामुळे मडगाववासीयांसाठी ही दिलासादायक बाब आहे. पण, या नैसर्गिक झऱ्यांचे जतन होणे आवश्यक आहे.
शहरीकरणाच्या रेट्यात शहरातील पाण्याच्या विहिरी कधीच्याच नाहीशा झाल्या आहेत. अशा या काँक्रिटीकरणाच्या जंगलातही (forest) येथील परिसरात शुद्ध पाण्याचे झरे अजूनही आपापले आतिस्तव टिकवून वाहत आहेत.
‘हेडन झरा’ हा आणखी एक झरा मोती डोंगरावरून उगम पावत आहे. या डोंगरावर दाट झोपडपट्टी आहे. मात्र तिथे हा झरा जपला आहे. येथील झऱ्याचे पाणी शुद्ध स्वरूपात वाहत आहे. असाच झरा ताळेबांद येथेही असून, याचेही पाणी शुद्ध आहे. या झऱ्यावर जलकुंड बांधण्यात आलेले असून ख्रिस्ती बांधवांच्या ‘सांजाव’ या सणाचे आयोजन होत असते, असे स्थानिक नगरसेवक दामोदर शिरोडकर यांनी सांगितले. हा झरा आंधळ्यांच्या झरा म्हणून परिचित असल्याचे ते म्हणाले.
मडगावातील आना फोंत झराही आपल्या औषधी गुणधर्मासाठी परिचित आहे. पूर्वी या झऱ्यावर लोक आंघोळ करायचे. मात्र, आता त्याचा गणपती विसर्जनासाठी उपयोग केला जात आहे. त्यामुळे भविष्यात हा झरा लुप्त होण्याची भीती आहे.
ताळसा’वर मिळते रोगमुक्ती....
बाबू नायक निवासस्थानापासून घोगळ हाऊसिंग बोर्डला जण्याच्या रस्त्याच्या डाव्या बाजूला असलेली ‘ताळसा’ झर ही औषधी गुणधर्मापैकी एक आहे. औषधी गुणधर्म असलेली झर म्हणून सुपरिचित असल्याने या झरीवर चर्म रोग्याने स्नान केल्यास तो रोगमुक्त होतो अशी या झरीची ख्याती असून, काहींना तसा अनुभवही आला आहे. अनेक चर्मरोगी येथे स्नान करण्यासाठी येतात आणि रोगमुक्त होऊन जातात, असे स्थानिकांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
