सांगे, केपे, सासष्टीसह मुरगाव तालुक्याला होणारा पाणीपुरवठा 23 व 24 फेब्रुवारीला खंडित

मडगाव : साळावली पाणीपुरवठा योजनेच्या शेळपे जलकुंभाच्या मुख्य गेटीची तातडीची दुरुस्ती करण्यासाठी पाणीपुरवठा बंद करण्यात येणार आहे. तसेच शेळपे जलकुंभाजवळ नव्या सांगे जलवाहिनीची अंतर्गत जोडणी ही कामे 23 फेब्रुवारी रोजी सकाळी 9 ते रात्री 9 या वेळेत हाती घेतले जाणार आहेत. त्यामुळे 23 व 24 फेब्रुवारीला रोजी पाणीपुरवठा खंडित करण्यात येणार आहे.

त्यामुळे 23 व 24 फेबरुवारी रोजी सांगे, केपे, सासष्टी व मुरगाव (Mormugao) तालुक्यांना साळावलीतून होणारा पाणीपुरवठा (Water) निर्बंधीत राहिल असे साबांखा पाणीपुरवठा विभाग 22 च्या कार्यकारी अभियंत्यांनी कळवले आहे. तसेच नागरिकांच्या गैरसोयीबद्दल दिलगिरी व्यक्त केली आहे.