Yuri Alemao: भरकटलेले विमान स्थिर करण्याचे प्रशिक्षण मी घेतले आहे

पहिल्यांदाच सासष्टीत एकच आमदार
Yuri alemao
Yuri alemaoDainik Gomantak

मडगाव: मी प्रशिक्षित पायलट आहे. भरकटलेले विमान स्थिर कसे करावे याचे प्रशिक्षण मी घेतले आहे अशा शब्दात कुंकळीचे आमदार युरी आलेमाव यांनी आजच्या राजकीय घटनेवर स्थिरतेसाठी आपण समर्थ असल्याची प्रतिक्रिया दिली. सासष्टी तालुका गोव्याच्या राजकीय इतिहासात पहिल्यांदाच काँग्रेसमुक्त करण्यासाठी भाजपने 'मिशन लोटस' पुढे आणले होते.

(We are able to stabilize the Goa Congress said Yuri Alemao)

Yuri alemao
Goa Congress Rebel: काँग्रेसमध्ये माझी घुसमट; अनेकांच्या विश्‍वासाला तडा!

कुंकळीचे आमदार युरी आलेमाव बळी न पडल्याने सासष्टी तालुका काँग्रेसमुक्त होण्यापासून वाचला. असे जरी असले तरी पहिल्यांदाच या एकेकाळच्या काँग्रेसचा बालेकिल्ला असलेल्या तालुक्यात काँग्रेस आमदारांची संख्या एकवर आली आहे.

Yuri alemao
Goa BJP: 'भारत जोडो पेक्षा काँग्रेस जोडो'वर काँग्रेसने लक्ष देण्याची गरज - दिगंबर कामत

2022 च्या निवडणुकीत या तालुक्यातील आठ मतदरसंघांपैकी मडगाव, नुवे व कुंकळी या तीन मतदारसंघातच काँग्रेस जिंकली होती. मात्र त्यातील दिगंबर कामत आणि आलेक्स सिक्वेरा हे दोन आमदार आज भाजपात गेल्याने काँग्रेस पक्षाची स्थिती बिकट झाली आहे. सुरवातीला या कटात युरी आलेमाव आणि केपेचे आमदार एल्टन डिकॉस्टा यांनाही सामील करण्यासाठी नेटाचे प्रयत्न सुरू होते. मात्र शेवटपर्यंत या दोघांनी या बंडखोरांना दाद दिली नाही.

याबद्दल आलेमाव यांना विचारले असता, मी संपूर्ण गोवेकर आणि कुंकळकराना जो शब्द दिला होता तो पाळणे माझे कर्तव्य होते. तेच मी पार पाडत आहे असे ते म्हणाले. केपेचे आमदार डिकॉस्टा यांना त्यांची प्रतिक्रिया विचारली असता, मी देवावर व दैवावर विश्वास ठेवणारा माणूस आहे. दैव माणसाला कुठे घेऊन जाते तिथे माणूस जातो. माझा देवावर विश्वास असून तो माझे आणि समस्त गोवेकरांचे कल्याण करेल याची मला खात्री आहे असे ते म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com