PWD Minister Nilesh Cabral on work in Panjim: सार्वजनिक बांधकाम मंत्री निलेश काब्राल आणि पणजीचे महापौर रोहित मोन्सेरात यांनी सोमवारी पणजीत सुरू असलेल्या ड्रेनेजच्या कामांची पाहणी केली.
यावेळी मंत्री काब्राल यांनी पावसाळ्यात उद्भवणाऱ्या समस्यांबाबत पणजी महापालिकेसोबत मिळून काम करू, असे सांगितले.
मंत्री काब्राल म्हणाले की, फ्लडिंग होण्याचे कारण म्हणजे ज्यांनी अगोदर हे काम केले होते तेव्हा ते कसे केले होते, याची काहीच कल्पना आम्हाला नाही. या ड्रेनज लाईन्समध्ये खूप माती साचून राहिली आहे.
त्या कारणाने सांडपाणी तुंबण्याचे प्रकार घडत आहेत. हे सगळं ठीक करण्यासाठी आम्हाला एक वर्ष तरी लागेल.
म्हणजेच या वर्षी येथे फ्लडिंग होईल की नाही याबाबत आत्ता मी काहीच सांगू शकत नाही. पण पावसाळ्यामध्ये काही अडचण उद्भवली तर आम्ही म्हणजे पीडब्ल्यूडी खाते आणि पणजी महापालिका मिळून काम करू.
दरम्यान, उत्तर गोव्याच्या जिल्हाधिकारी मामु हागे यांनीही सोमवारी सांतीनेज येथे स्मार्ट सिटीच्या कामांची पाहणी केली. सांतीनेज जंक्शन ते काकुलो मॉल या मार्गावर सुरू असलेल्या कामांची माहिती घेत, काँट्रॅक्टरला ही कामे मुदतीत पूर्ण करण्याच्या सूचना केल्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
