Francisco Sardinha: मी का माफी मागू , काय चुकले?

खासदार सार्दिन ः लाभार्थी दिव्यांग असले तरी वेळ पाळायलाच हवी
Francisco Sardinha
Francisco SardinhaDainik Gomantak

दिव्यांग लाभार्थीला अपमानास्पद वागणूक दिल्याने दक्षिण गोवा खासदार फ्रान्सिस सार्दिन यांनी माफी मागावी, अशी मागणी होत असताना ‘मी कशाला मागू माझे काय चुकले’. सर्वांनी वेळ ही पाळायलाच हवी, अशा शब्दात सार्दिन यांनी आपल्या कृतीचे समर्थन केले.

दिव्यांगांसाठी तीन चाकी गाडी प्रदान करण्याच्या कार्यक्रमात एक दिव्यांग लाभार्थी उशिरा आल्यावरून दक्षिण गोव्याचे काँग्रेस खासदार फ्रान्सिस सार्दिन हे त्याच्यावर संतापले होते. तसेच त्याला गाडी न देताच निघून गेले होते. त्यावरून खासदार सार्दिन यांच्यावर टीका होऊ लागली होती. त्यावर आता सार्दिन यांनी हे स्पष्टीकरण दिले आहे.

Francisco Sardinha
Goa Shigmo: ...आणि मुख्यमंत्र्यांनीही घेतला ढोल वाजवण्याचा आनंद

काँग्रेस खासदार फ्रान्सिस सार्दिन यांच्या खासदार निधीतून चार गाड्या दिव्यांगांना देण्यात आल्या. यावेळी दहा मिनिटे उशिरा आलेल्या एका दिव्यांग लाभार्थ्यावर खासदार सार्दिन संतापले होते शिवाय त्याला गाडी न देताच माघारीदेखील धाडले गेले होते.

Francisco Sardinha
Migrant workers: प्रश्‍न स्थलांतरितांच्या प्रतिष्ठेचाही

लोकांनी वेळ पाळलीच पाहिजे !

खासदार सार्दिन म्हणाले की, लाभार्थ्यांना सकाळी 10. 30 वाजता यायला सांगितले होते. कारण सकाळी 11 वाजता माझी एक महत्वाची बैठक होती. तुम्ही जर लाभार्थी असूनही उशिरा कसे काय येऊ शकता?, मी त्यांना बाईक देण्यास विरोध केलेला नाही, किंवा टाळलेले नाही.

तर केवळ त्यांना रविवारच्या कार्यक्रमात येऊन गाडी घेऊन जाण्यास सांगितले आहे. लोकांनी वेळेवर यायला शिकले पाहिजे. लोकांनी वेळ पाळली पाहिजे. जर त्यांना विलंब होणार होता, तर तसे त्यांनी आधीच कळवायचे होते. लाभार्थ्यांसाठी आम्ही वाट पाहत थांबणार नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com