डिचोलीतून निवडणूक लढवणार नाही: उत्पल पर्रीकर

फडणवीस यांच्या या विधनानानंतर भाजपने उत्पल पर्रीकर यांना डिचोलीमधून तिकिट देण्याची तयारी दाखवली आहे.
डिचोलीतून निवडणूक लढवणार नाही: उत्पल पर्रीकर
Utpal Parrikar Dainik Gomantak

पणजी: उत्पल पर्रीकर यांना पणजीमधून भाजपची उमेदवारी मिळणार का? या प्रश्नाला आज अखेर पूर्णविराम लागला. भाजपने गोवा विधानसभा निवडणुकीसाठी जाहीर केलेल्या पहिल्या उमेदवार यादीतून उत्पल पर्रीकर (Utpal Parrikar) यांचा पत्ता कट केला आहे. पणजीची उमेदवारी बाबूश मोन्सेरात यांना देण्यात आली. (Utpal Parrikar Latest News updates)

Utpal Parrikar
'उत्पल पर्रिकर यांच्या विरोधात उमेदवार उभा करणार नाही'

दरम्यान, उत्पल पर्रीकर यांना भाजपने (BJP) 2 जागांची ऑफर देखील दिली आहे. गोवा भाजप निवडणूक प्रभारी देवेंद्र फडणवीस यांनी याबद्दल माहिती दिली. ते म्हणाले, उत्पल पर्रीकर यांना पक्षाने 2 'ऑप्शन' दिले होते. त्यातील एक जागा त्यांनी अमान्य केली आहे. दुसऱ्या जागेबद्दल बोलणी सुरू आहे. मी आशा करतो की ही बोलणी सफल होईल. आम्ही सर्वजण पर्रीकर कुटुंबाचा आदर आणि सन्मान करतो.

फडणवीस यांच्या या विधनानानंतर भाजपने उत्पल पर्रीकर यांना डिचोलीमधून तिकिट देण्याची तयारी दाखवली आहे, अशी माहिती समोर येत आहे. डिचोलीचे विद्यमान आमदार आणि गोवा विधानसभेचे अध्यक्ष राजेश पाटणेकरांची सीट आहे. पाटणेकर निवडणूक लढण्यास इच्छुक नसल्याचं सांगण्यात येत आहे.

Utpal Parrikar
उत्पल पर्रिकर भाजपची 'ही' ऑफर स्वीकारणार का?

मात्र, भाजपची ऑफर उत्पल पर्रीकर यांनी काही वेळातच धुडकावून लावली. पणजी (Panaji) मधूनच निवडणूक लढणार असल्याचे स्पष्ट करत ते म्हणाले, मी माझ्या पर्यायांचा विचार केलेला आहे. माझ्या नावाची डिचोली मतदारसंघातून भाजप उमेदवारीसाठी चर्चा सुरु असेलही पण मला डिचोलीतून निवडणूक लढविण्याची अजिबात इच्छा नाही आणि मी डिचोलीतून लढणारही नाही.

उत्पल पर्रीकर यांच्या या वक्तव्यामुळे राजकीय वर्तुळात चर्चा सुरू झाली आहे. भाजप पर्रिकर यांची मनधरणी करण्यात सफल होणार? का या राजकीय परिस्थितीचा फायदा घेऊन भाजप विरोधी पक्ष त्यांना फितवणार, हे लवकरच स्पष्ट होईल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.