गोवा विधानसभा निवडणुकीसाठी TMC आणि Congress एकत्र येणार का?

काँग्रेसचे माजी अध्यक्ष राहुल गांधी यांनी सोमवारी आगामी गोवा विधानसभा निवडणुकीसाठी पक्षाच्या तयारीचा आढावा घेतला.
Congress
CongressDainik Gomantak

काँग्रेसचे माजी अध्यक्ष राहुल गांधी यांनी सोमवारी पी. चिदंबरम आणि पक्षाचे सरचिटणीस (संघटन) के.सी. वेणुगोपाल यांच्यासह वरिष्ठ नेत्यांसोबत गोव्यातील आगामी विधानसभा निवडणुकीसाठी पक्षाच्या तयारीचा आढावा घेतला. कॉंग्रेस आणि गोवा फॉरवर्ड पार्टी (Goa Forward Party) यांची युती झालेली आहे. यामध्ये आता तृणमूल काँग्रेस सामील होणार का, या चर्चेला राजकीय वर्तुळात उधाण आले आहे. (Goa Assembly Election Latest News)

Congress
डिचोलीत निवृत्तसैनिकाच्या आत्महत्येमुळे खळबळ

तृणमूल काँग्रेसच्या (TMC) गोवा प्रभारी आणि लोकसभा सदस्य महुआ मोईत्रा यांनी आपला पक्ष गोवा फॉरवर्ड पार्टी आणि काँग्रेससोबत युती करण्यास तयार असल्याचे सूचित केले आहे. त्या नंतरच गांधी यांनी ही बैठक घेतली.

तृणमूल काँग्रेस आणि कॉंग्रेसच्या युतीच्या चर्चेला पूर्णविराम लावत वेणुगोपाल यांनी सोमवारी उशिरा गांधी यांच्या भेटीनंतर ट्विट केले. ते लिहितात, श्री @RahulGandhi यांनी आजच्या बैठकीत TMC सोबत संभाव्य युतीची चर्चा केल्याची अफवा पूर्णपणे निराधार आणि असत्य आहे.आम्ही गोव्याला लवकरच प्रगतीच्या मार्गावर आणू.”

Congress
Goa Covid Updates: सक्रिय रुग्णांची संख्या दहा हजारी पार

मात्र, तृणमूलच्या मोईत्रा यांना प्रत्युत्तर देताना, गोव्याचे ज्येष्ठ निवडणूक निरीक्षक श्री. चिदंबरम म्हणाले होते की, काँग्रेस स्वबळावर भाजपला (BJP) पराभूत करण्यास सक्षम आहे परंतु कोणत्याही पक्षाला भाजपचा पराभव करण्यासाठी काँग्रेसला पाठिंबा द्यायचा असेल तर मी का नाही म्हणू ?"

गोव्यात 40 विधानसभा जागा आहेत. आतापर्यंत काँग्रेसने 15 उमेदवारांची घोषणा केली आहे. कॉंग्रेस ही निवडणूक विजय सरदेसाई यांच्या गोवा फॉरवर्ड पार्टी (GFP) सोबत लढणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com