पणजी: आगामी गोवा विधानसभा निवडणुकीसाठी मागील काही दिवसांपासून विविध राजकीय पक्ष उमेदवार जाहीर करत आहेत. एवढ्या दिवस शांत असलेल्या भाजपने आज त्यांची पहिली उमेदवार यादी जाहीर केली आहे. अपेक्षेप्रमाणे काही नेत्यांना पक्षाने संधी दिली तर काही नेत्यांच्या पदरात फक्त निराशाच पडली. या 34 उमेदवारांच्या यादीत मागील काही दिवसात चर्चेत असलेले उत्पल पर्रीकर यांचे नाव मात्र कुठेच दिसत नाही. (Utpal Parrikar Latest News)
यादी जाहीर केल्यानंतर गोवा भाजप (BJP) निवडणूक प्रभारी देवेंद्र फडणवीस (Devendra Fadanvis) यांनी उत्पल पर्रीकर याच्या उमेदवारी बद्दल मोठा खुलासा केला. ते म्हणाले, उत्पल पर्रिकर यांना पक्षाने 2 'ऑप्शन' दिले होते. त्यातील एक जागा त्यांनी अमान्य केली आहे. दुसऱ्या जागेबद्दल बोलणी सुरू आहे. मी आशा करतो की ही बोलणी सफल होईल. आम्ही सर्वजण पर्रिकर कुटुंबाचा आदर आणि सन्मान करतो.
जाहीर झालेल्या यादीतून हे स्पष्ट होते की उत्पल पर्रीकर याचे भाजपचा उमेदवार म्हणून पणजीमधून निवडणूक लढवण्याचे स्वप्न आता स्वप्नच राहिले आहे. मात्र भाजपने उत्पल पर्रीकर (Utpal Parrikar) यांना डिचोलीमधून तिकिट देण्याची तयारी दाखवली आहे, अशी माहिती समोर येत आहे. डिचोलीचे विद्यमान आमदार आणि गोवा विधानसभेचे अध्यक्ष राजेश पाटणेकरांची सीट आहे. पाटणेकर निवडणूक लढण्यास इच्छुक नसल्याचं सांगण्यात येत आहे. ही भाजपची स्ट्रॉंग सीट आहे. उत्पल पर्रिकर भाजपची ऑफर स्वीकारणार की पणजीमधून लढण्यासाठी भाजप विरोधी पक्षांचा हात धरणार, याकडे सर्वांचे लक्ष लागले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
