भाजपच्या उमेदवारीची वाट न पाहता उपसभापती व काणकोणचे (Canacona) आमदार इजिदोर फर्नांडीस यांनी श्रीस्थळ, गावडोंगरी येथील श्री मल्लिकार्जुन व चावडी येथील सेंट तेरेजा सायबीणीचे दर्शन व साकडे घालून प्रचाराचा नारळ आज फोडला आहे. यावेळी त्याच्यासोबत भाजप मंडळ अध्यक्ष नंदीप भगत व अन्य भाजप कार्यकर्ते उपस्थित होते.
भाजप (bjp) पक्ष उमेदवारी दोन तीन दिवसात जाहीर करण्याची शक्यता आहे. मात्र, सद्या प्रचारासाठी वेळ कमी आहे त्यामुळे एक एक दिवस महत्वाचा आहे. त्यासाठी प्रचाराचा नारळ फोडला आहे. प्रचाराची सुरूवात या पूर्वीच करण्यात आली आहे. मात्र आज श्रीस्थळ व गावडोंगरी येथील श्री मल्लिकार्जुन देवालय तसेच चावडी येथील सेंट तेरेजा चर्चमध्ये कार्यकर्त्यांसमवेत जाऊन देवाला गाऱ्हाणी घालून प्रचाराला सुरुवात केल्याचे, उपसभापती फर्नांडिस यांनी सांगितले.
या पूर्वीच उपसभापती फर्नांडीस यांनी निवडणूक लढविण्याची घोषणा केली होती. मात्र, भाजपची उमेदवारी न मिळाल्यास अपक्ष म्हणून निवडणूक (Election) लढविण्याची तयारी त्यांनी ठेवली आहे.
आज त्याच्या सोबत भाजप मंडळ अध्यक्ष नंदीप भगत,सचिव दामोदर च्यारी, युवा मोर्चाचे अध्यक्ष सतीश गोसावी, मंडळाचे अन्य सदस्य नगरसेविका नितू देसाई, शुभम कोमरपंत, धिरज नाईक गावकर, पैगीण जिल्हा पंचायत सदस्य शोभना वेळीप, लोलयेचे सरपंच सचिन नाईक, श्रीस्थळचे माजी सरपंच देवेंद्र नाईक, माजी नगराध्यक्ष समीर देसाई व अन्य कार्यकर्ते उपस्थित होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
