Vasco Hit And Run Case: भरधाव कारच्या धडकेत महिला ठार, फरार तरूणाला दाबोळीत अटक

अपघात झाल्यानंतर कार चालकाने घटनास्थळावरून पळ काढला.
Vasco Hit And Run Case
Vasco Hit And Run CaseDainik Gomantak

Vasco Hit And Run Case: गोव्यात अपघातांचे प्रमाण दिवसेंदिवस वाढत आहे. भरधाव कारच्या धडकेत महिलेचा मृत्यू झाल्याची एक घटना आज समोर आली. वास्को येथील शांतीनगर येथे शुक्रवारी (दि.20) दुपारी ही घटना घडली.

दरम्यान, अपघात झाल्यानंतर कार चालकाने घटनास्थळावरून पळ काढला. वास्को पोलिसांनी (Vasco Police) संशयित कारचालकाचा पाठलाग करून त्याला दाबोळी जवळ अटक केली आहे. अपघाताच्या काही वेळातच पोलिसांनी कारचालकाला अटक केली. रजिया मुजावर (वय 69) असे या अपघातात मृत्यू झालेल्या महिलेचे नाव आहे.

Vasco Hit And Run Case
Goa News: कालचा वार अपघातवार ! राज्यात पाच वेगवेगळ्या ठिकाणी भीषण अपघात

अमर हरमलकर (वय 24, रा. सडा) असे या संशयित कार चालकाचे नाव आहे. अमर याने अपघातानंतर पळ काढला होता, दरम्यान, पोलिसांनी त्याचा पाठलाग करून जयरामनगर दाबोळी (Dabolim) येथे त्याला अटक केली.

दरम्यान, शांतीनगर येथे महिलेला रस्त्यात जोराची धडक दिल्याने तिचा जागीच मृत्यू झाला. यावेळी कारचालक प्रचंड वेगाने गाडी चालवत होता. असे स्थानिकांनी सांगितले. धडक दिल्यानंतर कारचालकाने घटनास्थळावरून पळ काढला.

Vasco Hit And Run Case
Land Grabbing Case In Goa: सरकारी जमीन हडप प्रकरणी रुडॉल्फो फर्नांडिस यांना कोर्टाचा दिलासा

दरम्यान, 18 जानेवार रोजी राज्यात एकूण पाच अपघात झाले व या अपघातात पाच जणांचा मृत्यू झाला. पर्रा-साळगाव, लिंगाभाट-पर्रा, गुळे-आगोंद, नावेली या ठिकाणी हे अपघात झाले. त्यानंतर दोनच दिवसांत झालेल्या अपघातात एका महिलेने आपला जीव गमावला आहे.

गोवा पोलिस वाहतूक खाते (Goa Police) आणि सरकारकडून राज्यातील अपघातांचे प्रमाण कमी करण्यासाठी उपाययोजना केली जात आहे. तरीही अपघातांचे प्रमाण काहीकेल्या कमी होताना दिसत नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com