गोव्यात यलो अलर्ट जारी तर दिल्लीसह 'या' राज्यात उष्णतेच्या लाटेची शक्यता

उत्तर भारतातील अनेक राज्ये आहेत, जी अजूनही उष्णतेचा सामना करत आहेत.
गोव्यात यलो अलर्ट जारी तर दिल्लीसह 'या' राज्यात उष्णतेच्या लाटेची शक्यता
Goa Monsoon UpdateDainik Gomantak

केरळमार्गे मान्सून महाराष्ट्रात दाखल झाला असून, या भागात जोरदार पाऊस पडत आहे. केरळ वासियांना कडाक्याच्या उन्हापासून दिलासा मिळाला आहे. त्याच वेळी, उत्तर भारतातील अनेक राज्ये आहेत, जी अजूनही उष्णतेचा सामना करत आहेत. दिल्ली, हरियाणा, पंजाब आणि उत्तर प्रदेशसह अनेक राज्ये अजूनही मान्सूनची वाट पाहत आहेत. पुढील दोन दिवस उष्णतेच्या लाटेपासून दिलासा मिळणार नसल्याचे हवामान खात्याने म्हटले आहे. लोकांना अत्यंत आवश्यक असेल तेव्हाच घराबाहेर पडण्याचा सल्ला IMD ने दिला आला आहे. (Yellow alert issued in Goa possibility of heat wave in state including Delhi)

Goa Monsoon Update
Jammu च्या शहराचे अन् चौकाचे होणार नामांतर ;JMCने मंजूर केला ठराव

सोमवारी उत्तर प्रदेशची राजधानी लखनऊमध्ये किमान तापमान 30 अंश सेल्सिअस आणि कमाल तापमान 43 अंश सेल्सिअसच्या दरम्यान राहण्याची शक्यता वर्तवण्यात आली आहे. त्याचवेळी, गाझियाबादमध्ये आज किमान तापमान 29 अंश सेल्सिअस आणि कमाल तापमान 43 अंश सेल्सिअसपर्यंत राहण्याची शक्यता वर्तवण्यात आली आहे. उत्तर प्रदेशातील जनता आजही कडक उन्हाचा सामना करत आहेत तसेच येथे मान्सूनच्या आगमनाची प्रतीक्षा आहे. (Goa Monsoon Update)

गोव्यातील (Goa) पावसाबाबत आज यलो अलर्ट

रविवारी गोव्यातील अनेक भागांमध्ये पाऊस झाला. आजही येथे पावसाची प्रक्रिया सुरूच राहणार असल्याचा अंदाज हवामान खात्याने वर्तवला. सोमवारीही राज्याच्या अनेक भागात मुसळधार पाऊस पडू शकतो असे हवामान खात्याने वर्तवले आहे. IMD ने काही भागांबाबत यलो अलर्ट जारी केला आहे. अहवालानुसार, गोव्यात आज 64.4 मिमी ते 115.5 मिमी पाऊस पडण्याची शक्यता आहे. शनिवारी येथे 116.2 मिमी पाऊस झाला आहे.

दिल्लीत उष्णतेची लाट सुरूच आहे:

राष्ट्रीय राजधानीतील सर्व हवामान केंद्रांवर रविवारी कमाल तापमान 44 अंश सेल्सिअसपेक्षा जास्त नोंदवले गेले आहे. दिल्लीच्या बेस स्टेशन सफदरजंग वेधशाळेत कमाल तापमान 43.9 अंश सेल्सिअस नोंदवले गेले आहे, जे सामान्य वातावरणापेक्षा पेक्षा चार अंशांनी जास्त आहे. IMD ने सोमवारी दिल्लीच्या काही भागात पिवळा अलर्ट जारी करून उष्णतेच्या लाटेचा इशारा दिला. 15 ते 16 जून दरम्यान उष्णतेपासून दिलासा मिळण्याची शक्यता हवामान तज्ज्ञांनी व्यक्त केली.

Goa Monsoon Update
पंतप्रधान नरेंद्र मोदी 14 जून रोजी महाराष्ट्र दौऱ्यावर

राजस्थानमधील अनेक जिल्ह्यांमध्ये पावसामुळे तापमानात घट,

उदयपूर, कोटा विभागातील जिल्हे आणि राजस्थानच्या पाली जिल्ह्यात पावसाने हजेरी लावलेली आहे, तर इतर जिल्ह्यांमध्ये उष्णतेची लाट आणखी कायमच आहे. हवामान खात्याच्या माहितीनुसार, रविवारी धौलपूरमध्ये 45.9 अंश सेल्सिअस, करौलीमध्ये 45.2 अंश, अलवरमध्ये 45 अंश, श्रीगंगानगरमध्ये 44.8 अंश, चुरूमध्ये 44.5 अंश, हनुमाननगरच्या संगरियामध्ये 44.2 अंश आणि हनुमाननगरमध्ये 44.3 अंश सेल्सिअस कमाल तापमान नोंदवले.

बांसवाडा आणि उदयपूर जिल्ह्यात एक-दोन ठिकाणी पाऊस झाला तर बांसवाडा येथील सलुंबरमध्ये 115 मिमी, उदयपूरमध्ये 111 मिमी, उदयपूरच्या शिवारीमध्ये 69 मिमी, उदयपूरच्या लोहरियामध्ये 40 मिमी आणि पालीच्या मारवाड जंक्शनमध्ये 19 मिमी पावसाची नोंद करण्यात आली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com