पणजी: प्रदेश काँग्रेसच्या युवा (Youth Congress) शाखेतर्फे आज नेवगीनगर मळा पणजी येथील रस्त्यावर पडलेल्या खड्ड्या विरोधात आंदोलन (Movement Against Pits) करण्यात आले. यावेळी पोटहोल अर्थात रस्त्यावरील खड्ड्यांची छायाचित्रे घेण्याची स्पर्धा (Pit photography competition) युवा काँग्रेसने जाहीर केली.
प्रदेश काँग्रेसचे अध्यक्ष गिरीश चोडणकर, विरोधी पक्षनेते दिगंबर कामत, युवक काँग्रेसचे अध्यक्ष एडवोकेट वरद म्हार्दोळकर व इतर युवा पदाधिकारी या वेळी उपस्थित होते . पणजी परिसरातील अनेक रस्ते खड्डेमय झाले असून महापालिका व गोवा सरकार ते खड्डे भरण्यास अपयशी ठरले आहे. सरकारला जागे करण्यासाठी ही खड्डे फोटोग्राफी स्पर्धा आयोजित करण्यात आल्याचे वरद म्हार्दोळकर यांनी सांगितले.
राज्यातील अनेक भागातील रस्ते खड्डेमय झाले आहेत मात्र सरकार ते दुरुस्त करण्यास अपयशी ठरल्याची टीका गिरीश चोडणकर यांनी यावेळी केली. उपस्थितीतांनी येथील खड्ड्यांची छायाचित्र घेतली असून ती सार्वजनिक बांधकाम खात्याचे मंत्री दीपक प्रभू पावसकर यांना पाठवण्यात येणार असल्याचे यावेळी सांगण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
