Goa - Mumbai Highway Accident : पेडणे येथील दुचाकी अपघातात सावंतवाडीतील युवक ठार

रुग्णवाहिका पोहचण्यास उशीर झाल्याने युवकाचा मृत्यु, स्थानिकांचा आरोप
Goa - Mumbai Highway Accident
Goa - Mumbai Highway AccidentDainik Gomantak

धारगळ पेडणे येथे आज दुपारी दुचाकीचा एक भीषण अपघात घडला आहे. या अपघातात 25 वर्षीय दुचाकीस्वाराचा जागीच मृत्यु झाला आहे. मात्र, घटनास्थळी रुग्णवाहिका येण्यास उशीर झाल्याने युवकाचा मृत्यु झाला असा आरोप स्थानिकांनी केला आहे. मृत दुचाकीस्वार सावंतवाडी तालुक्यातील निरवडे येथील असल्याचे समोर येत आहे.

Goa - Mumbai Highway Accident
Assembly Session Live Updates : मोपा ते 'मनोहर' नामकरणाचा ठराव मुख्यमंत्री विधानसभेत मांडणार

याबाबत अधिक माहिती अशी की, गोव्यातून सावंतवाडीच्या दिशेने वासुदेव पेडणेकर (25) रा. निरवडे हा युवक दुचाकीवरुन जात होता. यावेळी तो धारगळ पेडणे येथे आला असता दुचाकी घसरुन महामार्गाच्या दुभाजकाजवळील सीमेंटच्या खांबाला जाऊन धडकली. ही धडक इतकी भीषण होती की तो खांब तुटला.

या अपघातात दुचाकीस्वार वासुदेवच्या डोक्याला गंभीर जखम होउन मोठ्या प्रमाणात रक्तस्राव झाला होता. महामार्गावरील प्रवाशांनी व स्थानिकांनी जखमी दुचाकीस्वाराल रुग्णालयात दाखल करण्यासाठी रुग्णवाहिकेशी संपर्क साधला. दरम्यान, रुग्णवाहिका घटनास्थळी पोहचण्यात उशीर झाल्याने युवकाचा जागीच मृत्यु झाला.

Goa - Mumbai Highway Accident
Goa Kala Academy: चौकशी समितीचे स्वागतच! कला अकादमीच्या कुठल्याही चौकशीसाठी तयार : गावडे

मिळालेल्या ओळखपत्रावरुन वासुदेव हा गोव्यातील एका कंपनीत कामाला होता. तो गोव्यातून सावंतवाडीच्या दिशेने जात असताना हा अपघात झाला. युवकाच्या निधनामुळे परिसरात हळहळ व्यक्त करण्यात येत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com