ओव्हरटेक करणं जीवावर बेतलं; भरधाव कार झुआरी पुलावरुन खाली कोसळली

वाहन चालकाने पुलावर ब्रेक मारल्याने त्याच्या खुणा रस्त्यावर दिसत असून ती उजव्या बाजूला वळल्याच्याही खुणा आहेत.
Zuari Car Accident
Zuari Car AccidentDainik Gomantak

पणजी : झुआरी पुलावरुन काल बुधवारी रात्री बाजूची रेलिंग तुटल्याने एक कार प्रवाशांसह नदीत कोसळून अपघात झाला आहे. अपघातानंतर झुआरी पुलावर शोधकार्य सुरु असून यासाठी नौदलाची मदतही घेतली जात आहे. मात्र मोठी दुर्घटना घडली आहे. अग्निशमन आणि आपत्कालीन कर्मचार्‍यांसह वेर्णा आणि आगशी पोलिसांकडून शोधकार्य सुरु होतं. नौदलाकडूनही आता बचावकार्यासाठी मदत घेतली जात आहे. आतापर्यंत कार शोधण्यात प्रशासनाला यश आलेले नाही.

आता या अपघाताबद्दल काही खुलासे समोर येऊ लागले आहेत. घटनेपूर्वी अपघातग्रस्त वाहनाच्या पुढे असलेल्या एका टॅक्सी चालकाने त्याचा वाहनाच्या साईड आरशामध्ये मागाहून येणारे हे वाहन पाहिले होते. त्याने दिलेल्या माहितीनुसार हे वाहन भरधाव वेगात होते आणि या वाहनाने एका टॅक्सीला ओव्हरटेक करण्याचा प्रयत्न केला असता या वाहनाने उजव्या बाजूला असलेल्या पुलाच्या कठड्याला धडक दिली. या धडकेने पुलाचा कठडा मोडून हे वाहन नदीत पडले. या वाहनात कितीजण होते याचा अंदाज लागला नाही.

Zuari Car Accident
झुआरी पुलावरुन कोसळलेल्या कारचा शोध लावण्यात यश

दक्षिण गोवा वाहतूक पोलिस उपअधीक्षक धर्मेश आंगले यांनी दिलेल्या माहितीनुसार अपघाताची माहिती रात्री 1 वाजता आगशी पोलिस स्थानकाला मिळाली तर आपल्याला पोलिस नियंत्रण कक्षाकडून या घटनेची माहिती मिळाल्यावर ताबडतोब तेथे पोहोचलो. त्यापूर्वीच आगशी व वेर्णा पोलिस तसेच अग्निशमन दलाचे जवान पोहोचले होते. रात्रीपासून शोधकार्य सुरू होते मात्र काळोख असल्याने शोधकार्य सुरू ठेवण्यात अडचणी येत होत्या. दरम्यान तटरक्षक दल आणि नौदल डायव्हर्सशी संपर्क साधण्यात आला होता. हे वाहन लोटली येथून पणजीच्या दिशेने येत होते. या वाहन चालकाने पुलावर ब्रेक मारल्याने त्याच्या खुणा रस्त्यावर दिसत असून ती उजव्या बाजूला वळल्याच्याही खुणा आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com