IND vs AUS 1st ODI: केवळ थलायवाच नाही, तर शरद पवारांसह 'या' नेत्यांनी लुटला मॅचचा आनंद; पाहा Photos

India vs Australia 1st ODI: भारत विरुद्ध ऑस्ट्रेलिया संघात शुक्रवारपासून (17 मार्च) वनडे मालिकेला सुरुवात झाली. तीन सामन्यांच्या या वनडे मालिकेतील पहिला सामना मुंबईतील वानखेडे स्टेडियमवर झाला. दरम्यान, पहिल्याच सामन्यासाठी वानखेडे स्टेडियमवर अनेक मान्यवरांनी हजेरी लावल्याचे दिसून आले.

सुपरस्टार रजनीकांत देखील पहिल्या सामन्यासाठी वानखेडे स्टेडियमवर उपस्थित होते. सध्या मुंबईत आलेले रजनीकांत यांना मुंबई क्रिकेट असोसिएशनकडून सामन्यासाठी आमंत्रित करण्यात आले होते.

रजनीकांत यांनी मुंबई क्रिकेट असोसिएशनचे अध्यक्ष अमोल काळे यांच्याबरोबर बसून सामन्याचा आनंद घेतला. याचे फोटोही सध्या मुंबई क्रिकेट असोसिएशनने सोशल मीडियावर शेअर केले होते.

इतकेच नाही तर राजकारण क्षेत्रातील मान्यवरांनीही हजेरी लावली होती. आयसीसीचे माजी अध्यक्ष शरद पवार, महाराष्ट्राचे राज्यपाल रमेश बायस, महाराष्ट्राचे उपमुख्यमंत्री देवेंद्र फडणवीस यांनीही सामन्याचा स्टेडियममधून आनंद घेतला.

महिंद्रा अँड महिंद्रा कंपनीचे प्रमुख आनंद महिंद्रा, युट्यूबर गौरव तनेजा देखील स्टेडियममध्ये उपस्थित होते.

त्याचबरोबर अभिनेता अजय देवगन त्याचा आगामी चित्रपट भोलाचे प्रमोशन करण्यासाठी स्टेडियममध्ये उपस्थित होता.

याशिवाय भारताचा माजी कर्णधार मोहम्मद अझरुद्दीननेही स्टेडियममधून सामन्याचा आनंद घेतला.