सोनपरीच्या घरी विराजसने आणली शिवानी नावाची एक सुंदर परी

लहान मुलांच्या मनात घर करून असलेल्या सोनपरिच्या घरात आता एक परी आली आहे. वरमाईचे म्हणजेच विराजसची आई अभिनेत्री मृणाल कुलकर्णीचा (Mrinal kulkarni) व्हिडीओ पहायला मिळत आहे. शिवानी आणि मृणाल यांनी हल्लीच एकत्र एका जाहिरातीसाठी काम केले.

सध्या बॉलिवूडप्रमाणे मराठी मनोरंजन विश्वात लग्नाचे जोरदार वारे वाहत आहे. मराठी कलाकार देखील घोड्यावर बसत आहेत आणि मराठी तारकांच्या घरीही सनई चौघडे वाजत आहेत.

यापैकी एक रोमॅंटिक कपल म्हणजे विराजस कुलकर्णी आणि शिवानी रांगोळे आहे. नुकताच या दोघांचा मेंदी सोहळा पार पडला होता. आणि काल अक्षय तृतीयाच्या मुहूर्तावर या क्यूट कपलनं लग्नगाठ बांधली आहे.

या दोघांच्या लग्नाचे काही फोटोस सोशल मिडयावर व्हायरल होत आहेत.

मराठी चाहत्यांसह, नातेवाईक आणि मित्र परिवाराने या दोघांनाही भावी आयुष्यासाठी शुभेच्छा दिल्यात.

मराठमोळ्या पारंपारिक पद्धतीनं या दोघांचा लग्नसोहळा पार पडला. आणि मनोरंजन विश्वातील ही लोकप्रिय जोडी 3 मे रोजी अक्षय तृतीयाच्या मुहूर्तावर लग्नबंधनात अडकली.

या दोघांच्या लग्नाचे फोटो सध्या सोशल मीडियावर प्रचंड़ व्हायरल होत आहे. शिवाय चाहत्यांसह सेलेब्सकडून शुभेच्छांचा वर्षाव होत आहे.