थिवीतील शेतजमीन मालकांसाठी सुधारीत दर देणे अशक्य :मुख्यमंत्री

Chief_Minister
Chief_Minister

पणजी: थिवी येथे क्रिकेट स्टेडिअमसाठी भू संपादन करण्यात आलेल्या जमिनीसाठी ठरविण्यात आलेल्या दरामध्ये सुधारणा करणे अशक्य आहे. त्यावेळी जो दर होता तो संबंधित शेतजमिनीधारकांना व जमीनमालकांना दिला जाईल असे स्पष्टीकरण मुख्यमंत्री डॉ. प्रमोद सावंत यांनी शून्य तासावेळी आज विधानसभेत आमदार सुदिन ढवळीकर यांनी सरकारने ताब्यात घेतलेल्या जमीन दर वाढवून देण्याच्या मागणीवर दिले.

पर्वरी येथील शिक्षण खात्याची जागा गोवा क्रिकेट असोसिएशनच्या कार्यालयासाठी व स्टेडिअमसाठी वापरण्यात आली व आयटी खात्याचा महसूल त्यासाठी वापरण्यात आला. मोप विमानतळासाठी जी जमीन घेण्यात आली आहे त्यासाठी सुमारे एक हजार रुपये प्रति चौरस दर देण्यात आला आहे, तर थिवी येथील क्रिकेट स्टेडिअमसाठी ताब्यात घेतलेल्या जमिनीसाठी ३० ते ५० रुपये दर देण्यात आला आहे तरी त्याची रक्कम सरकारने संबंधित जमीनधारकांना दिली नाही. हा दर त्यांना वाढवून देण्याची मागणी आमदार ढवळीकर यांनी केली.

थिवी येथे क्रिकेट स्टेडिअमसाठी जागा ताब्यात घेण्यात आली होती ती विकसित करण्यात येत आहे. आता थिवीऐवजी पेडण्यामध्ये सुमारे ३५ हजार लोकांची क्षमता असलेले स्टेडिअम उभे राहत आहे. जागा घेण्यात आली असून काम लवकरच सुरू होईल. जो दर सरकारने ठरविला आहे तो थिवी येथील जमीनधारकांना दिला जाईल, असे क्रीडामंत्री बाबू आजगावकर यांनी उत्तर दिले. त्यावर मुख्यमंत्र्यांनी हस्तक्षेप करत जो दर जमीन ताब्यात घेताना होता तोच दिला जाईल. हा दर वाढवून देणे शक्य नाही, असे स्पष्ट केले.
 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com