Precautions When Your Partner Has HIV : तुमच्या जोडीदाराला एचआयव्ही आहे हे तुम्हाला नुकतेच कळले असेल, तर कदाचित तुमच्या मनात बरेच प्रश्न येत असतील. मला संसर्ग झाला आहे की संसर्गाचा धोका आहे? दोघे एकत्र राहून लैंगिक संबंध ठेवू शकतो का? माझी काळजी घेण्यासाठी मला आता काय करावे लागेल? मी माझ्या जोडीदाराला कशी मदत करू शकतो? (Precautions When Your Partner Has HIV )
तुमच्या जोडीदाराला आता आवश्यक असलेली काळजी घेणे तुमच्या दोघांसाठी महत्त्वाचे आहे. तुमच्या समस्यांवर काम करण्यासाठी आणि तुमच्या आरोग्याचे रक्षण करण्यासाठी तुम्हाला चाचणी, काळजी आणि उपचाराची आवश्यकता असेल.
HIV हा एक विषाणू आहे जो अनेक गोष्टींमुळे पसरतो. तुम्ही संक्रमित व्यक्तीसाठी वापरलेली सुई वापरल्यास देखील तुम्हाला त्याचा संसर्ग होऊ शकतो. संक्रमित व्यक्तीची लाळ, अश्रू किंवा घामातून त्याचा संसर्ग होत नाही. याबाबत अधिक जाणून घेऊया. (HIV Precautions)
मला एचआयव्ही असल्यास मला कसे कळेल?
जर तुम्ही आणि तुमचा जोडीदार लैंगिकदृष्ट्या सक्रिय असाल किंवा तुम्ही रक्त, वीर्य किंवा योनिमार्गातील द्रवांच्या संपर्कात आलात, तर तुम्हाला HIV संसर्गाचा धोका आहे. तुम्हाला एचआयव्ही आहे की नाही हे जाणून घेण्याचा एकच मार्ग आहे आणि तो म्हणजे चाचणी करणे. तुमची HIV स्थिती तपासणे तुमच्यासाठी महत्त्वाचे आहे, यावरून तुम्ही पुढे काय करायचे हे निश्चित होते.
HIV चाचणी नकारात्मक असल्यास पुढे काय?
जर तुमच्या जोडीदाराला एचआयव्ही असेल आणि तुम्ही स्वत:ची चाचणी केल्यावर ती नकारात्मक आली तर पुढे काय लक्षात घेणे गरजेचे आहे ते जाणून घ्या. बहुतेक एचआयव्ही चाचण्या सुरुवातीला नकारात्मक येतात. बहुतेक लोकांमध्ये, विषाणू विकसित होण्यासाठी किमान 3 आठवडे लागतात. कधीकधी ते 12 आठवडेही लागतात.
तुमची चाचणी परत नकारात्मक आल्यास, ही चांगली गोष्ट आहे. परंतु तरीही काळजी घेणे गरजेचे आहे. तुम्ही स्वतःचे आणि जोडीदाराचे रक्षण करण्यासाठी अतिरिक्त पावले उचलली पाहिजेत आणि याची खात्री करण्यासाठी 3 महिन्यांत पुन्हा डॉक्टरांकडून तुमची चाचणी करून घेणे गरजेचे आहे.
तुम्हाला एचआयव्ही होऊ नये यासाठी या गोष्टी घ्या लक्षात :
एचआयव्ही पॉझिटिव्ह असलेले बरेच लोक एचआयव्ही नसलेल्या लोकांशी दीर्घकालीन संबंधात असतात. तुमचे डॉक्टर आणि HIV समुपदेशक तुम्हाला स्वतःचे संरक्षण करण्यासाठी सर्वोत्तम मार्गांनी काम करण्यात मदत करू शकतात.
एचआयव्ही रोखण्याचा एकमेव निश्चित मार्ग म्हणजे संक्रमित व्यक्तीशी लैंगिक संबंध न ठेवणे किंवा त्यांनी वापरलेली सुई न वापरणे. परंतु तुमच्या जोडीदाराला व्हायरस असतानाही तुम्ही तुमचा धोका कमी करू शकता असे अनेक मार्ग आहेत.
कमी धोकादायक सेक्स निवडा. तुम्ही जोडीदारासोबत गुदद्वारासंबंधीचा लैंगिक संबंध ठेवत असाल तर ते एचआयव्ही प्रसारित होण्यासाठी सर्वात धोकादायक आहे.
योनीमार्गाद्वारे संबंधीचा संभोग अधिक सुरक्षित आहे, परंतु तरीही काळजी घेणे गरजेचे आहे.
प्रत्येक वेळी संभोग करताना कंडोमचा योग्य प्रकारे वापर करणे महत्त्वाचे आहे. तुम्ही जेवढी जास्त काळजी घ्याल तेवढे तुमच्या आणि जोडीदारासाठी फायद्याचे होणार आहे.
तुम्हाला एचआयव्ही होण्यापासून वाचवण्यासाठी डॉक्टर अँटीरेट्रोव्हायरल औषध लिहून देऊ शकतात. ते त्याला PrEP (प्री-एक्सपोजर प्रोफिलॅक्सिस) म्हणतात. त्याचे नियमित सेवन करा.
अशाप्रकारे तुम्ही एचआयव्ही असलेल्या पार्टनरसोबत राहूनही स्वत:ला सुरक्षित ठेऊ शकता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
