हिवाळ्यात 'ही' लक्षणे दिसल्यास ताबडतोब डॉक्टरांशी साधा संपर्क

हिवाळा लवकरच सुरू होणार आहे. सप्टेंबर संपल्यानंतर अनेकजण आल्याचा चहा आणि कॉफीचा आस्वाद घेतांना दिसतात. गार वारा जेवढा मनाला शांती देतो, तेवढाच तो अनेक प्रकारचे आजारही घेऊन येतो. हिवाळ्यात (Winter) तुम्हाला अनेक आजार होण्याची शक्यता असते. यामुळे आरोग्याची (Health) काळजी घेणे आवश्यक आहे.

* थंड ताप

हिवाळ्याची चाहूल लागताच अनेकांना सर्दी-तापाचा (Cough) त्रास सुरू होतो. बदलत्या हवामानामुळे किंवा संसर्गामुळे लहान मुले आणि वृद्धांना सर्दी आणि तापाचा येऊ शकतो, असे आरोग्य तज्ज्ञांचे म्हणणे आहे. या समस्येने ग्रासलेल्या लोकांना डोकेदुखी, अंगदुखी, खोकला यासारख्या समस्या होतात. 

* सांधे दुखी

हिवाळ्यात तुम्हाला सांधेदुखीचा त्रासही होऊ शकतो. विशेषत: ज्यांना सांधेदुखीची समस्या आहे, त्यांची समस्या या ऋतूमध्ये खूप वाढते. तुम्हालाही संधिवात असेल तर स्वतःची विशेष काळजी घ्या. 

* टॉन्सिल्स

थंडीमध्ये लोकांना अनेकदा टॉन्सिल्सचा त्रासही होतो. घशाच्या मागील बाजूस दोन अंडाकृती आकाराच्या टिश्यू पॅडच्या सूजमुळे टॉन्सिल होतात. या समस्येमुळे घशात जळजळ आणि वेदना होतात. तसेच खाण्यापिण्यातही (Diet) त्रास होतो. 

* ब्राँकायटिस

सर्दी वाढत असताना लहान मुलांना फुफ्फुसाचा संसर्ग (Virus) होऊ शकतो. ही अत्यंत गंभीर परिस्थिती आहे. या समस्येमुळे, फुफ्फुसातील सर्वात लहान वायुमार्गांमध्ये श्लेष्मा तयार होऊ लागतो. त्यामुळे मुलांना खूप त्रास होऊ लागतो. 

* कानाचा संसर्ग

थंडी वाढली की कानाच्या समस्या निर्माण होतात. या स्थितीत कानाच्या (Ear) आत तीव्र वेदना होतात. यासोबतच खाज सुटण्याची आणि बंद होण्याचीही शक्यता असते.