अंगदुखीचा त्रास जवळपास सर्वच लोकांनी अनुभवाला असेल. त्यातही थंडी सुरु झाली कि या आजाराची तीव्रता वाढते. असे अनेक लोक आहेत ज्यांना सकाळी उठल्याबरोबर शरीरात वेदना होतात. चांगली झोप लागली असली तरीही नेहमी थकवा जाणवतो. ज्यांना सांधेदुखीचा त्रास आहे त्यांना तीव्र वेदना होतात. हिवाळ्यात शरीराला फारसं ऊन मिळत नाही किंवा कोणी ते घेत नाही. त्यामुळे व्हिटॅमिन डीची पातळी कमी होते त्यामुळेच हाडे आणि सांधे दुखू लागतात.
व्यायाम :-
व्यायाम करणे हे अंगदुखीला काही प्रमाणात दूर करू शकत. शरीराची हालचाल झाली कि शरीरात ऊर्जा निर्माण होते. स्नायू लवचिक होतात. तुम्हाला थंडीचा जास्त त्रास असेल तर आपण जरूर व्यायाम करावा. तुम्ही नेहमी शारीरिक हालचाली करत राहा.
गरम पाण्याचा वापर :-
गरम पाण्याचा वापर आपण दैनंदिन जीवनात करू शकता. जसे कि आहारात गरम पाणी घेणे, गरम पाण्याने अंघोळ करणे, दुखणाऱ्या भागावर गरम पाण्याने शेक देणे असे उपाय तुम्ही करू शकता.
हायड्रेटेड राहा :-
वर्षभर हायड्रेटेड राहणे आवश्यक आहे. परंतु, हिवाळ्यात हे सर्वात महत्वाचे आहे. उन्हाळ्यात तुम्ही भरपूर पाणी पिणे आवश्यक आहे. हिवाळ्यात कोरड्या हवेमुळे तुम्हाला डिहायड्रेशनचा त्रास होतो. त्यामुळे भरपूर पाणी प्या.
योग्य आहार :-
वृद्ध किंवा तरुण ज्यांना सांधेदुखीचा त्रास होत असेल त्यांनी ते टाळण्यासाठी क, ड आणि के जीवनसत्त्वे असलेले अन्न खावे. हिवाळ्यात पालक, कोबी, टोमॅटो आणि संत्री यांसारख्या गोष्टींचा समावेश करा. त्यात कॅल्शियम आणि इतर खनिजे असतात जे हाडे आणि सांधे यांचे आरोग्य सुधारतात.
थंड हवेच्या संपर्कात येणे टाळा :-
हिवाळ्यात, थंड हवेच्या संपर्कात आल्याने शरीरात वेदना होतात, म्हणून शक्यतो घरी राहून ते टाळण्याचा प्रयत्न करा. परंतु जर तुम्ही काही कारणांमुळे बाहेर असाल तर पूर्ण बाह्यांचे कपडे, स्वेटर घालून डोके झाकून ठेवा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
