Vitamin C Benefits : 'व्हिटामीन सी'चे फायदे तुम्हाला माहिती आहेत का? वाचा सविस्तर

Vitamin C Benefits : व्हिटॅमिन सीच्या कमतरतेमुळे रोगप्रतिकारक शक्ती कमकुवत होते.
Vitamin C Benefits
Vitamin C BenefitsDainik Gomantak

Vitamin C Benefits : आधुनिक काळात निरोगी राहणे आव्हानापेक्षा कमी नाही. यासाठी संतुलित आहार घ्या आणि रोज व्यायाम करा. समतोल आहारात सर्व आवश्यक पोषक घटक आढळतात. यापैकी कोणत्याही एका पोषक तत्वाच्या कमतरतेचा आरोग्यावर विपरीत परिणाम होतो.

विशेषतः, व्हिटॅमिन सीच्या कमतरतेमुळे रोगप्रतिकारक शक्ती कमकुवत होते. याशिवाय त्वचेशी संबंधित समस्यांना सामोरे जावे लागते. यासाठी व्हिटॅमिन सी युक्त पदार्थांचा आहारात समावेश करा. संत्री, आवळा, पेरू, शिमला मिरची, चिंच इत्यादी गोष्टींचा आहारात समावेश करू शकता. जाणून घेऊया त्याचे फायदे : (Health Care Tips Vitamin C Benefits for skin)

Vitamin C Benefits
Raisins Health Benefits : शरीरासाठी अत्यंत फायदेशीर आहेत मनुके; पण किती खायचे ते घ्या जाणून

कोलेजन वाढते :

कोलेजन हे शरीरात आढळणारे एक प्रकारचे प्रथिने आहे. हे हाडे, त्वचा आणि स्नायूंसाठी एक प्रमुख घटक आहे. त्वचेला ताकद देणे हे त्याचे मुख्य कार्य आहे. यासाठी कोलेजनचे प्रमाण वाढणे अत्यंत आवश्यक आहे. शरीरात कोलेजनच्या कमतरतेमुळे चेहऱ्यावर सुरकुत्या पडतात. या समस्येवर मात करण्यासाठी तुमच्या आहारात व्हिटॅमिन सी असलेल्या गोष्टींचा नक्कीच समावेश करा.

रोगप्रतिकारक शक्ती मजबूत करते

रोगप्रतिकारक शक्ती मजबूत करण्यासाठी आहारात व्हिटॅमिन-सी समृद्ध अन्न समाविष्ट करण्याचा सल्ला डॉक्टर देतात. बदलत्या ऋतूत निरोगी राहण्यासाठी व्हिटॅमिन-सी युक्त अन्न जरूर खा.

त्वचा नितळ बनते :

व्हिटॅमिन सी युक्त अन्न खाल्ल्याने त्वचा चमकदार होते. तसेच त्वचा गुळगुळीत करते. चेहऱ्याशी संबंधित समस्या दूर करण्यासाठी व्हिटॅमिन सी उपयुक्त ठरते.

हायपरपिग्मेंटेशनमध्ये आराम मिळतो :

हायपरपिग्मेंटेशनचा त्रास असलेल्या व्यक्तीच्या चेहऱ्यावर काळे डाग पडू लागतात. यासोबतच त्वचेचा रंग काही ठिकाणी काळा होऊ लागतो. जर तुम्हीही हायपरपिग्मेंटेशनच्या समस्येने त्रस्त असाल, तर आहारात व्हिटॅमिन सी समृद्ध पदार्थांचा अवश्य समावेश करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com