Healthy Tips: चहा पिल्याने त्वचा खरच काळी होते का? जाणून घ्या विज्ञान काय म्हणतं

Healthy Tips: चहा हे जवळपास सर्वाेचे आवडते पेय आहे. अनेकदा लोकांची सकाळ चहाच्या कपाने सुरू होते. प्रत्येक सुख-दु:खाच्या प्रसंगी चहा आवश्यक आहे. 

तसेच काही निवडक लोक चहा पिण्यास टाळतात. कारण त्यांना वाटते की चहा पिल्याने त्यांची त्वचा काळी पडते. चहा प्यायल्याने खरच त्वचा काळी पडते का? की ही वर्षानुवर्षे चालत आलेली ही केवळ अफवा आहे. जाणून घेउया याबद्दल सविस्तरपणे

• चहा प्यायल्याने रंग काळा होतो का?

दूध घालून बनवलेला चहा (Tea) आरोग्यासाठी फायदेशीर नसतो. हे आपल्या सर्वांना माहीत आहे, पण चहा प्यायल्याने त्वचा काळी पडते. खरं तर हे पुर्णपणे चुकीचे आहे. खरे तर लहानपणी लहान मुलांना घाबरवण्यासाठी वडीलधारी मंडळी या गोष्टी सांगत असत. त्याला असे म्हटले गेले कारण त्यात कॅफीन असते जे लहान मुलांसाठी योग्य नाही.

आताही अनेक घरांमध्ये (Home) लहान मुलांना चहा पिण्यापासून दुर ठेवण्यासाठी हे वाक्य वापरले जाते. तज्ञांच्या मते चहा पिल्याने त्वचा काली पडते याचा कोणताही वैज्ञानिक पुरावा आतापर्यंत सापडलेला नाही. तुमच्या त्वचेचा रंग पुर्णपणे तुमच्या जावनशैलीवर अवलंबुन असतो असे तज्ञांचे मत आहे.

• चहा पिण्याचे फायदे

काळा चहा, हिरवा चहा आणि पिवळा चहा यांसारखा हर्बल चहा पिल्याने अनेक फायदे होतात. यामुळे शरीरातील टॉक्सिन्स बाहेर पडतात आणि तुम्हाला अनेक आजारांपासून दूर ठेवते. चहामध्ये अँटीऑक्सिडंट्स आढळतात. अँटिऑक्सिडंट्स आपल्या शरीरातील फ्री रॅडिकल्सचा प्रभाव कमी करतात.

• या समस्या होऊ शकतात

जर तुम्ही हर्बल चहाऐवजी दुधाचा चहा प्यायला तर ते आरोग्यासाठी घातक ठरु शकते. यामुळे पचनसंस्थेच्या समस्या निर्माण होउ शकतात. तसेच अॅसिडिटी आणि बद्धकोष्ठतेचा त्रास होउ शकतो. दुसरीकडे, जर तुम्ही चहामध्ये जास्त साखर वापरत असाल तर तुम्हाला मधुमेहाचा धोका आहे.

• गरम कॉफी किंवा चहा पिणे टाळावे

एका इंटरनॅशनल मेडिकल जर्नलमध्ये या आठवड्यात प्रकाशित झालेल्या एका नवीन अभ्यासात असा दावा करण्यात आला आहे की, दररोज 60 अंश सेल्सिअस तापमानात चहा किंवा कॉफी किंवा इतर गरम वस्तू पिल्याने कर्करोगाचा धोका वाढू शकतो. 

अभ्यासानुसार दररोज 700 मिली पेक्षा जास्त गरम चहा किंवा कॉफी किंवा इतर कोणतेही गरम पेय पिल्याने अन्ननलिका कर्करोगाचा धोका 90 टक्क्यांपर्यंत वाढू शकतो. अन्ननलिका (फूड पाईप) मधील असामान्य पेशी अनियंत्रित पद्धतीने वाढू लागल्यावर अन्ननलिका कर्करोग होतो.

जागतिक आरोग्य संघटनेने असेही म्हटले आहे की चहा आणि कॉफीसारखे गरम पेय देखील त्या यादीत आहेत. इंटरनॅशनल एजन्सी फॉर रिसर्च ऑन कॅन्सर (IARC), 10 देशांतील 23 शास्त्रज्ञांनी बनवलेले, गरम पेय आणि कर्करोग यांच्यातील दुव्याचे परीक्षण करणार्‍या जवळपास 1,000 अभ्यासांचे पुनरावलोकन केले. 

जास्त गरम पेये पिल्याने तुमच्या टेस्ट बडवर वाईट परिणाम होऊ शकतो. नियमितपणे गरम पदार्थांचे सेवन केल्याने तुमची जीभ गंभीरपणे जळू शकते. टेस्ट बडला इजा होऊ शकते. एवढेच नाही तर त्याचा परिणाम ओठांवरही होऊ शकतो.

बर्‍याच प्रकरणांमध्ये असे दिसून आले आहे की गरम पदार्थांचे सेवन केल्याने ओठ जळत आहेत. याशिवाय छातीत जळजळ होण्याची समस्याही उद्भवू शकते. 

इराणमधील एका अभ्यासात असे दिसून आले आहे की जे लोक दररोज 700 मिली गरम चहा पितात त्यांना अन्ननलिका कर्करोगाचा धोका 90 टक्के वाढतो. अन्ननलिकेमध्ये गाठ वाढते किंवा अन्ननलिकेच्या अस्तरातील पेशी बदलतात तेव्हा अन्ननलिकेचा कर्करोग होतो.

अन्ननलिका कर्करोगाची लक्षणे?

1. जुनाट खोकला

2. अपचन किंवा छातीत जळजळ

3. कर्कशता

4. वजन कमी होणे

5. भूक न लागणे

6. अन्ननलिका मध्ये रक्तस्त्राव