देशात गणपती बाप्पाच्या आगमनाची तयारी सुरू झाली आहे. आपल्या लाडक्या बाप्पांच्या मोठ्या भक्ती भावात घरी आणण्यासाठी सर्व जण आतूर झाले असून, बाप्पांच्या सजावटी, प्रसादाचे पदार्थ याच्या खरेदीसाठी बाजारात गर्दी होऊ लागली आहे. या 10 दिवसांत बाप्पांना वेगवेगळ्या प्रकारचे पदार्थ प्रसाद म्हणून देण्याचा सगळ्यांचा प्रयत्न असतो. चला तर मग जाणून घेवूया तांदळाची उकळ कशी बनवतात.
साहित्य
एक वाटी तांदळाची पिठी, दोन वाट्या ताक, फोडणीचे साहित्य, तूप, दोन चमचे शेंगदाणे, दोन चमचे डाळं, कोथिंबीर, ओले खोबरे, दोन हिरव्या मिरच्या, एक चमचा किसलेलं आलं.
कृती
प्रथम तूप गरम करून हिंग-जिऱ्याची फोडणी करावी. हिरव्या मिरचीचे तुकडे, आल्याचा कीस घालून थोडं परतावं व मग हळद घालावी. शेंगदाणे आणि डाळं या फोडणीत परतून घ्यावं. मग ताक घालून उकळी आणावी. त्यात तांदळाची पिठी हळूहळू घालावी. उलथन्याच्या टोकाने हलवावी. गुठळी होऊ देऊ नये. झाकण ठेवून चांगली वाफ आणावी. पुन्हा एकदा हलवून घ्यावे व आणखी एक वाफ आणावी. उकड थोडी चकचकीत दिसू लागली आणि खमंग वास आला, की चांगली शिजली असे समजावे. ही उकड खायला देताना वर भरपूर खोबरं, कोथिंबीर आणि साजूक तूप घालून गरम द्यावी.
मानसी काणे
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
