Makar Sankranti Til Rewari: मकर संक्रांतीला घरीच बनवा स्वादिष्ट तिळाची रेवडी!

Makar Sankranti Recipe: मकर संक्रांती दोन-तीन दिवसांवर येउन ठेपली आहे. यासाठी महिलांची लगबग सुरू झाली आहे. प्रत्येक घरात तिळगुळ आणि तिळाचे वेगवेगळे प्रकार बनवण्याची सुरुवात झाली आहे.

• तिळाची रेवडी बनवण्यासाठी लागणारे साहित्य

भाजलेले पांढरे तीळ - अर्धे कप

साखर - 1 कप

लिंबाचा रस - 1 टीस्पून

केवडा इसेन्स - 1 टीस्पून

बटर पेपर

पाणी - अर्धा कप

कॉर्न सिरप - 2 टीस्पून

विलायची पावडर - 2 टीस्पून

• तिळाची रेवडी कशी बनवायची

मकर संक्रांतीसाठी तिळाची रेवडी बनवण्यासाठी सर्वात पहिले एका भांड्यात पाणी आणि साखर टाकून गॅसवर ठेवा.

साखर विरघळल्यावर त्यात कॉर्न सिरप टाकून घट्ट मिश्रण तयार करा.

जर तुम्हाला कॉर्न सिरप वापरायचा नसेल तर एक तारी पाक तयार करा.

कॉर्न सिरप घातल्यानंतर मिश्रण सतत ढवळत राहा.

मिश्रण घट्ट झाल्यावर त्यात केवडा इसेन्स टाकावे.

मिश्रण थोडे घट्ट झाल्यावर त्यात तीळ घालून मिक्स करा.

तिळाचे मिश्रण थोडे थंड झाल्यावर बटर पेपरवर पसरवा.

मिश्रण थोडं थंड होऊन कोरडं झाल्यावर हाताने फोडून घ्या आणि हव्या त्या आकाराच्या रेवड्या तयार करा.

तुमची मकर संक्रांती स्पेशल तिळाची रेवडी तयार आहे.