Health Tips: तणाव असह्य झालाय? तणावमुक्तीसाठी 'हे' छोटे-छोटे उपाय ठरतील फायदेशीर

सध्या तणाव हा जवळपास प्रत्येकाच्या जीवनाचा एक भाग बनत चालला आहे.
Health Tips
Health TipsDainik Gomantak

मानसिक स्वास्थ जपण्यासाठी मानसिक शांतता जपण्यावर भर दिला पाहिजे. कारण सध्या तणाव हा जवळपास प्रत्येकाच्या जीवनाचा एक भाग बनत चालला आहे. तणाव दूर करण्यासाठी तुम्ही छंद जोपासू शकता किंवा ध्यान धारणा करू शकता किंवा आवडीच्या गोष्टी करण्यावर भर देऊ शकता. सध्या पुरेसा वेळ असल्यामुळे आवडत्या गोष्टी करणं सहज शक्य आहे.

प्रमाणापेक्षा वाढलेला ताण माणसाच्या वैयक्तिक जीवनावर वर्चस्व गाजवू लागतो आणि त्यामुळे चिडचिड होऊ लागते. रागात माणसाला प्रत्येक गोष्टीची चिडचिड येते आणि अशावेळी झोप न येण्यासारख्या समस्या सुरू होतात. अशा परिस्थितीत छोटे-छोटे बदल तुमचे जीवन सुधारून ते तणावमुक्त करू शकतात. कामाचा ताण जीवनावर वर्चस्व गाजवण्यापासून कसा रोखता येईल ते जाणून घेऊया.

हलके - फुलके साहित्य वाचा -

ताणतणाव घालवण्यासाठी मन शांत, स्थिर असणं आवश्यक आहे. विनोदी साहित्य, नाटके यांचं वाचन करावं. विविध कथा, कादंबऱ्या वाचाव्यात. याने मनःशांती नक्की मिळू शकते. एखाद्या विषयात गुंतलेले,गुरफटलेले मन शांत व्हायला मदत होते.

आठवड्याचे प्लॅनींग करा-

जीवनात समतोल निर्माण करणे अत्यंत आवश्यक आहे. त्यामुळे तणाव कमी करण्यासाठी आठवडाभर आधीच योजना बनवा जेणेकरून तुम्हाला जास्त विचार करावा लागणार नाही. अगोदर काही काम केल्याने आठवड्याच्या शेवटी कोणतेही दडपण येणार नाही आणि तुम्ही आरामात राहाल.

Health Tips
Makar Sankranti: प्रत्येक महिन्यात एक रास बदलणाऱ्या सूर्याचे पौषातील मकर राशीत भ्रमण का महत्वाचे? वाचा...

संवाद साधा-

तणावासारखी परिस्थिती खूप गंभीर असते. त्यामुळे यातून बाहेर पडण्यासाठी कुटुंब, मित्र आणि सहकाऱ्यांशी सुसंवाद वाढवा. अशा वेळी हीच माणसं खूप उपयोगी पडतात. तणाव कमी होण्यास मदत होते. तसेच ताण कमी करण्यासाठी कामाचा प्राधान्यक्रम ठरवा, याचा खूप फायदा होईल.

Health Tips
Makar Sankranti: मकर संक्रांत आणि सूर्य उपासना, नक्की काय आहे संबंध, वाचा सविस्तर..

संगीत ऐका-

एखादं आवडतं गाणं, शास्त्रीय संगीत ऐकण्याचा प्रयत्न करा. संगीत हे तणाव दूर करण्याचे उत्तम साधन आहे. शास्त्रीय संगीतातील असे काही राग आहेत जे ताण तणाव दूर करण्यासाठी मदत करतात

Health Tips
Health Tips : नारळ पाण्यापासून बनवलेल्या फेस मास्कचे 'हे' फायदे माहित आहेत का?

स्वतःला वेळ द्या-

व्यस्त जीवनशैलीमुळे अनेकवेळा आपण स्वतःला वेळ देऊ शकत नाही. अशा परिस्थितीत स्वत:ला काही मिनिटे वेळ देणे आवश्यक आहे. कामाच्या दरम्यान, पॉडकास्ट ऐकणे, मजेदार व्हिडीओ पाहणे आणि आराम करणे यामुळे तणाव कमी होतो. सुट्टीच्या दिवशी फोन आणि लॅपटॉपपासून दूर राहण्याचा प्रयत्न करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com