Thursday Puja: इच्छित जोडीदार मिळविण्यासाठी करा माँ दुर्गेची पूजा, जाणून घ्या पद्धत आणि मंत्र

Thursday Puja: गुरुवार हा भगवान विष्णूचा दिवस मानला जातो. भगवान विष्णूची उपासना केल्याने पापकर्मांपासून मुक्ती मिळते, आणि भगवान बृहस्पतीची उपासना केल्याने भौतिक सुखांची प्राप्ती होते. या दिवशी पिवळ्या रंगाला विशेष महत्त्व आहे कारण पिवळा रंग श्री हरी आणि देवतांचे गुरु बृहस्पती देव यांना अतिशय प्रिय आहे. गुरुवारी आणखी एका देवीची पूजा केली जाते. नऊ देवींच्या रूपात अशी एक देवी आहे जिची गुरुवारी पूजा केल्याने तुमच्या इच्छेनुसार जीवनसाथी मिळण्याचे वरदान मिळते. चला जाणून घेऊया गुरुवारी कोणत्या देवीची पूजा करावी.

विवाहातील अडथळे दूर करण्यासाठी या देवीची पूजा करा (Devi Katyayni Puja Benefit)

धार्मिक मान्यतांनुसार, विवाहातील अडथळे दूर करण्यासाठी गुरुवारी माँ दुर्गेचे सहावे रूप माँ कात्यायनीची पूजा केली जाते. धार्मिक ग्रंथांनुसार मां कात्यायनी सुद्धा बृहस्पतिशी संबंधित आहे. बृहस्पती देव हा विवाहाचा कारक मानला जातो. कात्यायनी देवीची उपासना विवाहाशी संबंधित बाबींसाठी योग्य मानली जाते. त्यांच्या कृपेने योग्य आणि इच्छित जीवनसाथी मिळण्याची इच्छा पूर्ण होते, असे म्हणतात.

गुरुवारी माँ कात्यायनीची पूजा कशी करावी (Maa katyayni Puja vidhi)

संध्याकाळी कात्यायनी मातेची उपासना करणे सर्वोत्तम मानले जाते. गुरुवारी पिवळे किंवा लाल कपडे परिधान करून मातेची पूजा करावी.

देवीला कुंकुम, रोळी, अक्षत, पिवळी फुले, हळद, पिवळा नैवेद्य अर्पण करा. मातेसमोर तुपाचा दिवा लावून या मंत्राचा जप करावा.

ॐ कात्यायनी महामये महायोगिन्यधीश्वरी। नंद गोप सुतं देहि पतिं में कुरुते नम:।।

मां कात्यायनीला मध अर्पण करा. यामुळे लवकर विवाह होतो असे मानले जाते. वैवाहिक जीवनातील अडथळे दूर होतात.

ज्या मुला-मुलींच्या वैवाहिक जीवनात अडथळे येत आहेत, त्यांनी कात्यायनी मातेची पूजा करून या मंत्राचा रोज जप करावा.

पत्नीं मनोरमां देहि मनोवृत्तानु सारिणीम्। तारिणींदुर्गसं सारसागरस्य कुलोद्भवाम्॥