Rudraksh Tips: रुद्राक्ष परिधान करताना 'या' चुका करू नका

हिंदू धर्मात रुद्राक्षाचे (Rudraksh) विशेष महत्त्व आहे. रुद्राक्षाचा संबंध भगवान शिवशंकराशी (Lord Shiva) येतो. भगवान शंकराच्या अश्रूंपासून रुद्राक्षाची निर्मिती होते असे मानले जाते. रुद्राक्षाचे 21 हून अधिक प्रकार आहेत आणि प्रत्येकाचे वेगळे महत्त्व आहे. रुद्राक्ष उर्जेने भरलेला एक शक्तिशाली अलंकार आहे, दुर्बल हृदयाच्या लोकांनी तो परिधान करू नये. रुद्राक्ष धारण करण्यापूर्वी तज्ञ ज्योतिषाचा सल्ला जरूर घ्यावा.

राशीनुसार रुद्राक्ष परिधान केल्याने त्याचा उत्तम प्रभाव होतो. रुद्राक्ष धारण केल्याने सकारात्मकता वाढते आणि राग कमी होतो. रुद्राक्ष धारण करण्यापूर्वी आणि नंतर काही गोष्टींची काळजी घेणे आवश्यक आहे, अन्यथा लाभाऐवजी नुकसान सहन होऊ शकते.

रुद्राक्ष परिधान करण्यापूर्वी या गोष्टी लक्षात ठेवा (Rudraksha Wearing Rules)

-रुद्राक्ष स्वतःच्या पैशाने खरेदी करून धारण करावा.

-रुद्राक्ष धारण करण्यापूर्वी एखाद्या अनुभवी ज्योतिषाकडून सक्रिय करून घ्या.

-जर रुद्राक्ष क्रियाशील नसेल तर तो धारण करून उपयोग नाही.

-शुभ दिवशी पूजा केल्यानंतरच रुद्राक्ष धारण करावा.

या गोष्टी लक्षात ठेवा (Things to know about Rudraksh)

-अंत्यसंस्कार तसेच इतर संवेदनशील कार्यक्रमांत रूद्राक्ष परिधान करणे टाळा.

-रुद्राक्षाला खराब हातांनी स्पर्श करू नये.

-झोपताना रुद्राक्ष काढावा.

-रुद्राक्ष धारण केल्यानंतर नॉनव्हेज खाणे टाळावे.

-भगवान शंकराची नियमित पूजा करायला विसरू नका.