Vastu Tips: TV पाहताना ‘या’ दिशेला असावे तोंड, वाचा एका क्लिकवर

हिंदू धर्मात वास्तुशास्त्राला (Vastu Tips) खूप महत्त्व दिले जाते. आजच्या आधुनिक युगातही लोक घर बांधताना वास्तूचे सर्व नियम पाळतात. घराची वास्तू बरोबर नसेल तर घरात नकारात्मकता वाढते आणि वास्तुदोष निर्माण होतो. त्यामुळे घरात आर्थिक समस्या निर्माण होतात. घरामध्ये असलेल्या वस्तूंपासून ते खिडकी, स्वयंपाकघर, स्नानगृह, अगदी घरातील वनस्पती देखील योग्य दिशेने असणे खूप महत्वाचे आहे. तसेच टीव्ही ठेवण्याची योग्य दिशा कोणती आहे हे जाणून घेउया.

टीव्ही लावण्यासाठी योग्य दिशा

वास्तुशास्त्रामध्ये घरातील प्रत्येक वस्तू ठेवण्याची दिशा सांगितली आहे.टीव्ही ठेवण्यासाठी वास्तुशास्त्रात दिशा निश्चित करण्यात आली आहे. टीव्ही दक्षिण-पूर्व दिशेला ठेवणे शुभ असते आणि टीव्ही पाहणाऱ्या व्यक्तीचा चेहरा दक्षिण दिशेला असावा असे सांगण्यात आले आहे. यामुळे लिविंग रूममध्ये सकारात्मक ऊर्जेचा प्रवाह वाढतो.

इथे टीव्ही ठेवू नका

वास्तुशास्त्रात बेडरूममध्ये टीव्ही (TV) लावू नये असे सांगण्यात आले आहे. अनेकांना रात्री झोपताना टीव्ही पाहणे आवडते, त्यामुळे ते त्यांच्या बेडरूममध्ये टीव्ही लावतात, परंतु हे पूर्णपणे चुकीचे आहे. असे केल्याने झोपेवर परिणाम तर होतोच, पण वास्तुशास्त्रातही हे अशुभ मानले गेले आहे.

हे लक्षात ठेवा

वास्तुशास्त्रानुसार टीव्ही अशा ठिकाणी ठेवू नये, जेथून घरात प्रवेश करताना समोर दिसत असेल, हे वास्तूनुसार शुभ मानले जात नाही. यामुळे घरामध्ये नकारात्मक ऊर्जेचा संचार वाढतो.