Vastu Tips For Home: घरातील 'या' दिशेला वास करतात देवता

Vastu Tips For Home: वास्तुशास्त्रात अनेक गोष्टींसाठी उपाय सांगितले आहेत. घर स्वच्छ ठेवण्यासाठी आपण खुप प्रयत्न करत असतो. पण घराच्या काही अशाही जागा असतात जिथं रोज साफसफाई करणं शक्य नसते.

घरातले असे कोपरे जे काही कारणास्तव दुर्लक्षित राहातात आणि तिथे रोजची सफाई करणं शक्य होत नाही. मात्र हे कोपरे घराच्या नेमक्या कोणत्या दिशेला आहेत हे पाहाणं तितकंच महत्वाचं असतं.

याचे एक महत्वाचे कारण म्हणजे त्या दिशेला कदाचित देवता वास करत असतात आणि नेमकी तीच दिशा अस्वच्छ असेल तर कितीही प्रयत्न केले तरीही घरात प्रसन्नतेचं वातावरण राहात नाही. आज आपण घराच्या अशाच काही दिशांबद्दल बोलणार आहोत जिथं प्रत्यक्ष देवता वास करतात.

• पूर्व दिशा

पूर्व दिशा ही अत्यंत महत्त्वाची दिशा मानली जाते. घरामध्ये (Home) पूर्व दिशा स्वच्छ ठेवणे अत्यंत आवश्यक आहे. असे मानले जाते की घराची पूर्व दिशा नेहमी स्वच्छ असेल तर घरात सकारात्मक ऊर्जेचा संचार वाढतो. हे स्थान स्वच्छ आणि पवित्र ठेवल्याने देवी लक्ष्मी देखील प्रसन्न होते.

• उत्तर पूर्व दिशा

वास्तुशास्त्रात सांगितले आहे की घराचा किंवा कार्यालयाचा ईशान्य कोपरा नेहमी स्वच्छ आणि नीटनेटका ठेवावा. हे घरातील सर्वात महत्वाचे स्थान आहे. हिंदू धर्मग्रंथानुसार या कोनात देवाचा वास असतो. घराचा हा भाग स्वच्छ ठेवल्याने घरातील सदस्यांना यश मिळते.

• ब्रह्म स्थान

घरामध्ये ब्रह्म स्थान स्वच्छ ठेवणे देखील खूप महत्वाचे मानले जाते. वास्तुशास्त्रानुसार जर घरातील ब्रह्म स्थान नेहमी स्वच्छ ठेवले तर ते घरातील सदस्यांसाठी खूप फलदायी ठरू शकते. याशिवाय घरातील ब्रह्म स्थानामध्ये जड फर्निचर किंवा कोणतीही निरुपयोगी वस्तू किंवा इतर कोणतीही वस्तू ठेवू नये.