नेरूलच्या सरपंचपदी रेश्‍मा कळंगुटकर यांची एकमताने निवड

reshma
reshma

कळंगुट:रेश्‍मा कळंगुटकर यांची नेरूलच्या सरपंचपदी निवड
साळगाव मतदारसंघातील नेरूल पंचायतीच्या सरपंचपदी रेश्‍मा संजय कळंगुटकर यांची एकमताने निवड करण्यात आली.माजी सरपंच पिएदाद आल्मेदा यांनी अडीच वर्षे यशस्वीरित्या कारभार सांभाळल्यानंतर अलिखीत करारानुसार आपल्या पदाचा त्याग केला होता.त्यानुसार आज शुक्रवारी पंचायत कार्यालयात घेतलेल्या बैठकीत रेश्‍मा कळंगुटकर यांची सरपंचपदी निवड करण्यात आली.
यावेळी स्थानिक आमदार तथा माजी ग्रामीण विकासमंत्री जयेश साळगावकर, पंचायत सचिव गोविंद खलप तसेच इतर पंचायत सदस्य उपस्थित होते. निर्वाचन अधिकारी या नात्याने बार्देश गटविकास कार्यालयातील अधिकारी मनोहर परवार यांनी काम पाहिले. दरम्यान, स्थानिक आमदार जयेश साळगावकर यांच्या सहकार्याने पंचक्रोशीतील विकास कामासाठी तत्पर राहाणार असल्याचे नवनिर्वाचित सरपंच रेश्‍मा कळंगुटकर यांनी पत्रकारांशी बोलताना सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com