Yash Chowde: केवळ 13 वर्षांच्या फलंदाजाचा भीम पराक्रम; 178 चेंडूत फटकावल्या नाबाद 508 धावा

तब्बल 81 चौकार, 18 षटकारांची बरसात; मुंबई इंडियन्स ज्युनियर स्कूल स्पर्धेत रचला इतिहास
Yash Chowde
Yash ChowdeDainik Gomantak

Yash Chowde: सध्या क्रिकेट विश्वात एक अविश्वसनीय खेळी चर्चेत आहे. कोणत्याही दिग्गज खेळाडूने ही खेळी केलेली नाही, तर एका 13 वर्षांच्या फलंदाजाची ही खेळी आहे. यश चावडे असे या खेळाडुचे नाव आहे. तो महाराष्ट्राचा आहे. यशने अवघ्या 40-40 षटकांच्या सामन्यात अवघ्या 178 चेंडूत 508 धावांची नाबाद खेळी केली आहे. मुंबई इंडियन्स ज्युनियर स्कूल टूर्नामेंटमध्ये या फलंदाजाने हा पराक्रम केला आहे.

Yash Chowde
Prithvi Shaw: मेहनतीचं फळ मिळालं! 'ट्रिपल सेंच्यूरी' करताच पृथ्वी शॉचे टीम इंडियात पुनरागमन

सरस्वती शाळेच्या वतीने खेळताना यशने ही अप्रतिम खेळी साकारली. या खेळाडूने 508 धावा करण्यासाठी केवळ 178 चेंडू घेतले. या खेळीत 18 षटकार आणि 81 चौकारांचा समावेश होता. या खेळीमुळे सरस्वती शाळेच्या संघाने 714 धावांची मोठी मजल मारली. या प्रचंड धावसंख्येचा पाठलाग करताना प्रतिस्पर्धी संघ अवघ्या ५ षटकांत सर्वबाद झाला. इंटर स्कूल लिमिटेड षटकांच्या क्रिकेटमध्ये 500 हून अधिक धावा करणारा यश हा पहिला भारतीय फलंदाज ठरला आहे. यापूर्वी श्रीलंकेच्या चिरथने 15 वर्षांखालील सामन्यात 553 धावांची खेळी केली होती. विश्वविक्रमात श्रीलंकेच्या या खेळाडूचे नाव आघाडीवर आहे.

Yash Chowde
Hockey World Cup 2023: भारतासह 'या' संघांची विजयी सलामी, कसा रंगला पहिला दिवस, पाहा Photos

यश हा स्केटिंगही करतो. वयाच्या 10 व्या वर्षापर्यंत त्याने स्केटिंग केले आहे. राज्यस्तरावर त्याने स्केटिंगमध्ये सहभाग घेतला होता. पण त्याच्या वडिलांनी त्याला क्रिकेटवर लक्ष केंद्रित करण्यास सांगितले. यशची ही खेळी क्रिकेटच्या कुठल्याही फॉरमॅटमध्ये आणि कुठल्याही वयोगटातील 500 धावांपेक्षा जास्त धावांची केवळ दहावी खेळी आहे. यात पाचवेळा हा कारनामा भारतीय फलंदाजांनी केला आहे. यशपुर्वी

प्रणव धनवडे (नाबाद 1009 रन), प्रियांशु मोलिया (556 रन), पृथ्वी शॉ (546 रन) आणि डाडी हावेवाला (515) यांनी 500 हून अधिक धावांची खेळी केली होती. या चारही फलंदाजांनी एकाहून अधिक दिवसांच्या सामन्यात या धावा बनवल्या आहेत. यशने मर्यादीत षटकांच्या सामन्यात 500 हून अधिक धावा करणारा पहिला भारतीय आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com