पणजी: करिष्मा शिरवईकरच्या दोन शानदार गोलच्या बळावर गोव्याने शनिवारी महिला फुटबॉलमध्ये धडाका राखला. गुजरातमध्ये सुरू असलेल्या 36 व्या राष्ट्रीय क्रीडा स्पर्धेत मिझोरामवर 2-1 फरकाने विजय नोंदवला आहे. यात अ गटाने विजयी सलामी दिली.
(36th National Sports Tournament Goa women's football team wins against Mizoram)
सामना गुजरातमधील शाहीबाग येथे झाला. विश्रांतीला दोन्ही संघ 1-1 असे गोलबरोबरीत होते. सामन्यात गोव्याचे नेतृत्व करणाऱ्या करिष्माने 31व्या मिनिटास संघाला आघाडी मिळवून दिली. 42 व्या मिनिटास लाल्दुहथलानी पाचौयू हिच्या गोलमुळे मिझोरामला बरोबरी साधता आली. सामन्याच्या 75 व्या मिनिटास करिष्माने आणखी एक गोल नोंदविला, तो गोव्यासाठी निर्णायक ठरला. गोव्याचा स्पर्धेतील पुढील सामना मणिपूरविरुद्ध सोमवारी (ता. 3) खेळला जाईल.
गोव्याची सामन्याची सुरवात आक्रमक शैलीत झाली, पण गोल करण्यासाठी त्यांना अचूक नेमबाजी साधला आली. अर्ध्यातासाच्या खेळानंतर मात्र आघाडीची संधी साधली. सुश्मिता जाधव हिच्या शानदार असिस्टवर करिष्माने प्रतिस्पर्धी संघाच्या गोलरक्षकास चकवा दिला. मिझोरामने विश्रांतीपूर्वी बरोबरी साधल्यानंतर उत्तरार्धात गोव्याने वेगवान खेळ केला. सामना संपण्यास 15 मिनिटे बाकी असताना नमिता गोवेकरच्या असिस्टवर करिष्माने मिझोरामच्या बचावफळीस प्रेक्षणीय ड्रिबलिंगद्वारे चकवा देत गोव्याला आघाडी मिळवून दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
