मुंबई : ऑलिंपिक पात्रता लक्षात घेऊन भारतीय बॅडमिंटन संघटनेने टोकियो ऑलिंपिकच्या पूर्वतयारीसाठी पी. व्ही. सिंधू, साईना नेहवाल यांच्यासह आठ खेळाडूंची निवड केली आहे. ऑलिंपिक पात्रतेची संधी असलेल्या सर्व खेळाडूंना या तीन स्पर्धांसाठी निवडण्यात आले आहे. सिंधू, साईनासह भारतीय संघात बी साईप्रणीत, किदांबी श्रीकांत, सात्विकसाईराज रांकिरेड्डी, चिराग शेट्टी, अश्विनी पोनप्पा, एन. सिक्की रेड्डी यांचा समावेश आहे. हे खेळाडू योनेक्स थायलंड ओपन (१२ ते १७ जानेवारी), टोयोटा थायलंड ओपन (१९ ते २४ जानेवारी) आणि जागतिक मालिका अंतिम टप्प्याच्या स्पर्धेत (२७ ते ३१ जानेवारी) सहभागी होतील.
कोरोनाच्या आक्रमणामुळे मार्चपासून जागतिक क्रीडा स्पर्धांचे वेळापत्रक कोलमडले आहे. हेच बॅडमिंटनबाबतही घडले. श्रीकांत सोडल्यास यापैकी एकही खेळाडू मार्चनंतर एकाही स्पर्धेत खेळलेला नाही. श्रीकांत ऑक्टोबरमध्ये डेन्मार्क ओपन स्पर्धेत खेळला होता. अखेर बॅडमिंटनच्या आंतरराष्ट्रीय स्पर्धा सुरू होत आहेत. थायलंडमधील या स्पर्धांपासून आंतरराष्ट्रीय मोसमास सुरुवात होईल, अशी अपेक्षा आहे. बहुतेक खेळाडू सात ते आठ महिने एकाही स्पर्धेत खेळलेले नाहीत.
अधिक वाचा :
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.