अफगाणिस्तान क्रिकेट बोर्डाबाबत धक्कादायक बातमी, पूर्व अध्यक्षांना केली अटक

Acb Former President Arrested: अफगाणिस्तान क्रिकेट बोर्डाच्या (ACB) माजी अध्यक्षाबाबत धक्कादायक बातमी समोर आली आहे. एसीबीच्या पूर्व अध्यक्षांना सुरक्षा दलाने अटक केली आहे. मीडिया रिपोर्ट्समध्ये याबाबतची माहिती देण्यात आली आहे. अझिझुल्ला फाजली यांना सोमवारी अटक करण्यात आली. (Acb Former President Arrested Because Of Fake Letter By Security Officials)

VOA ने काबूल पोलिस मुख्यालयातील एका अज्ञात स्रोताचा हवाला देत सांगितले की, ACB सुरक्षा रक्षकांनी फाजली यांना एसीबीच्या आवारात जाण्यास मनाई करण्यात आली.

वृत्तानुसार, पंतप्रधानांच्या आदेशाचे पालन करत फाजली यांना अटक करण्यात आली. त्यांना आत जाण्यापासून रोखण्यासाठी एसीबीच्या रक्षकांनी हवेत गोळीबार केला. त्यानंतर काही वेळातच हा व्हिडीओ सोशल मीडियावर (Social Media) व्हायरल झाला होता, ज्यामध्ये फाजली यांना एसीबीच्या आवारात जाण्यास मनाई करण्यात आली होती.

अटकेची पुष्टी

दुसरीकडे, सरकारी अधिकार्‍यांनी या घटनेवर औपचारिक भाष्य केलेले नाही, परंतु पोलीस आणि एसीबीच्या सूत्रांनी फाजली यांच्या अटकेला दुजोरा दिला आहे. अफगाणिस्तानच्या (Afghanistan) अनेक क्रिकेटपटूंनी देशातील क्रिकेटच्या (Cricket) भवितव्याबद्दल चिंता व्यक्त केली आहे.