Richest Cricketer In The World: क्रिकेट हा जगातील सर्वात श्रीमंत क्रिडाप्रकारांपैकी एक आहे. क्रिकेटमध्ये प्रसिद्धीसोबतच पैसाही भरपूर आहे. चला तर मग जाणून घेऊया सध्याचा सर्वात श्रीमंत क्रिकेटर कोण आहे. पण, विशेष म्हणजे या यादीत विराट कोहली आणि एमएस धोनीच्या वरती 15 वर्षांपूर्वी निवृत्त झालेल्या खेळाडूचे नाव आहे.
सीईओ वर्ल्ड मॅगझिननुसार, ऑस्ट्रेलियन विकेटकीपर-फलंदाज अॅडम गिलख्रिस्ट हा जगातील सर्वात श्रीमंत क्रिकेटर आहे. गिलख्रिस्टची संपत्ती विराट कोहली, सचिन तेंडुलकर (Sachin Tendulkar) आणि एमएस धोनीपेक्षा जास्त आहे. त्याची एकूण संपत्ती 3130 कोटींच्या जवळपास आहे.
दरम्यान, क्रिकेटचा देव म्हटला जाणारा सचिन तेंडुलकर या यादीत दुसऱ्या क्रमांकावर आहे. सचिनची एकूण संपत्ती 1400 कोटींच्या जवळपास आहे. भारताचा माजी कर्णधार एमएस धोनी जगातील तिसरा श्रीमंत क्रिकेटपटू आहे. एमएस धोनीची एकूण संपत्ती 949 कोटी रुपये आहे.
तसेच, या यादीत टीम इंडियाचा (Team India) धडाकेबाज फलंदाज विराट कोहली चौथ्या क्रमांकावर आहे. विराट कोहलीची एकूण संपत्ती 923 कोटी रुपये आहे. क्रिकेटशिवाय विराट कोहली जाहिरातींमधूनही भरपूर पैसे कमावतो.
दुसरीकडे, ऑस्ट्रेलियाचा माजी कर्णधार रिकी पाँटिंग श्रीमंत क्रिकेटपटूंच्या यादीत पाचव्या क्रमांकावर आहे. रिकी पाँटिंगची एकूण संपत्ती 617 कोटी रुपये आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
