पणजी: एफसी गोवा (AFC Champions League) संघाने बचावपटू सॅनसन परेरा (Sanson Parera) याच्या शानदार कामगिरीची दखल घेत त्याला वाढीव करार देण्यास पसंती दर्शविली आहे. प्राप्त माहितीनुसार, संघाने त्याचा करार आणखी तीन वर्षांसाठी वाढविला आहे.
लेफ्ट बॅक जागी खेळणारा सॅनसन 23 वर्षांचा आहे. साळगावकर एफसी संघातील या नियमित बचावपटूस एफसी गोवाने गतमोसमात (2020-21) करारबद्ध केले. त्याचा मूळ करार 31 मे 2022 पर्यंत होता. प्रशिक्षक हुआन फेरांडो यांना सॅनसनच्या कौशल्यपूर्ण खेळाने प्रभावित केले असून त्यांच्या सुचनेनुसार त्याचा करार आणखी तीन वर्षांनी वाढविण्याचे क्लबने ठरविले आहे. (AFC Champions League FC Goa defender Sanson preferred)
गत मोसमातील इंडियन सुपर लीग (आयएसएल) स्पर्धेत सॅनसन चार सामन्यांत एकूण 152 मिनिटे खेळला. 22 नोव्हेंबर 2020 रोजी फातोर्डा येथे बंगळूर एफसीविरुद्ध त्याने आयएसएल पदार्पण केले. सॅनसन प्रतिष्ठेच्या एएफसी चँपियन्स लीग स्पर्धेत एफसी गोवातर्फे सर्व सहा सामने खेळला. ई गटात इराणचा पर्सेपोलिस, संयुक्त अरब अमिरातीचा अल वाहदा आणि कतारचा अल रय्यान या अनुभवी संघाविरुद्ध सॅनसन बचावफळीत उल्लेखनीय ठरला. सहा लढतीत तो एकूण 467 मिनिटे मैदानावर खेळला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.