Cristiano Ronaldo: फुटबॉल जगतातून काही दिवसांपूर्वीच एक मोठी बातमी आली होती. पोर्तुगालचा दिग्गज फुटबॉलपटू ख्रिस्तियानो रोनाल्डोने सौदी अरेबियन फुटबॉल क्लब अल-नासर बरोबर अडीच वर्षांसाठी करार केला आहे. त्यामुळे सौदी अरेबियातील फुटबॉल चाहत्यांना आनंद झाला आहे.
रोनाल्डोने 2022 वर्षाच्या अखेरीत त्याने अल-नासर क्लबबरोबर करार केला असल्याचे जाहीर केले होते. गेल्या अनेक दिवसांपासून याबद्दल चर्चा होती. पण अखेर रोनाल्डोनेच पोस्ट करून त्याच्या कराराबद्दल माहिती दिल्याने या चर्चेला पूर्णविराम मिळाला. दरम्यान, असे म्हटले जात आहे की त्याने 200 मिलियन युरोचा करार केला आहे.
(Al Nassr Club fans welcome Cristiano Ronaldo)
त्याच्या या करारानंतर शनिवारी सौदी अरेबियन लीगमध्ये अल-नासर क्बलचा अल-खालिज क्लबबरोबर सामना झाला. यात अल-नासरने 1-0 असा विजय मिळवला. पण या विजयाबरोबरच अल-नासर क्लबच्या चाहत्यांनी रोनाल्डोशी क्लबने केलेल्या कराराबद्दल आनंद व्यक्त केला.
दरम्यान, रोनाल्डो या सामन्याचा भाग नव्हता. पण असे असले तरी सामन्यादरम्यान चाहते त्याच्या नावाचा नारा देत आनंद व्यक्त करत होते. चाहते रोनाल्डोच्या नावाने नारा देत असतानाचा व्हिडिओ सध्या व्हायरल होत आहे.
दोन महिन्यांपूर्वी मँचेस्टर युनायटेड आणि रोनाल्डो यांचे मार्ग वेगळे झाले होते. त्यांनी परस्पर संमतीने त्यांच्यातील करार संपवला होता. रोनाल्डो आणि मँचेस्टर युनायडेट क्लब यांच्यातील वाद मध्यंतरी समोर आले होते. त्यानंतरच ते वेगळे झाले. त्यामुळे आता रोनाल्डो अल-नासरकडून खेळताना दिसणार आहे.
पाचवेळा बॅलन डी'ओर पुरस्कार जिंकलेल्या रोनाल्डोने आत्तापर्यंत मँचेस्टर युनायटेड, रिएल मद्रिद, जुव्हेंटस असा विविध क्लबसाठी सामने खेळले आहेत. त्याने त्याच्या या विविध क्बलसाठी अनेक विजेतीपदेही जिंकून दिली आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.