अनुरा प्रभुदेसाईचे रेल्वे बॅडमिंटन स्पर्धेत यश

अनुराने वैयक्तिक एकेरीतही अंतिम फेरी गाठली
अनुरा प्रभुदेसाईचे रेल्वे बॅडमिंटन स्पर्धेत यश
Railway Badminton TournamentDainik Gomantak

पणजी : गोव्याची आंतरराष्ट्रीय बॅडमिंटनपटू अनुरा प्रभुदेसाई हिने रेल्वे बॅडमिंटन स्पर्धेत यश संपादन केले. फोंड्याच्या या खेळाडूने 68 व्या अखिल भारतीय रेल्वे बॅडमिंटन स्पर्धेत दोन रौप्य व एक ब्राँझपदक जिंकले. स्पर्धा विशाखापट्टणम येथे झाली.

अनुराने या स्पर्धेत उत्तर रेल्वे संघाचे प्रतिनिधित्व केले. ती जीनो फार्मास्युटिकल्सची ‘सदिच्छा दूत’ आहे. अनुराचा सहभाग असलेल्या उत्तर रेल्वे संघाने सांघिक गटातील अंतिम फेरी गाठली. पश्चिम-मध्य रेल्वे संघाकडून हार स्वीकारल्यामुळे अनुराच्या संघाला रौप्यपदकावर समाधान मानावे लागले. या लढतीत अनुराने एकेरीतील विजय मिळविला.

Railway Badminton Tournament
CSK ची मोठी घोषणा, रवींद्र जडेजाने सोडले कर्णधारपद

तिने श्रेयांशी परदेशी हिला 21-19, 25-23 असे हरवले. महिलांच्या दुहेरीत अनुराने कनिका कंवल हिच्यासह भाग घेतला. त्यांना श्रेयांशी परदेशी व भारती पाल जोडीकडून 16-21, 21-14, 13-21 असा पराभव स्वीकारावा लागला.

अनुराने वैयक्तिक एकेरीतही अंतिम फेरी गाठली. सुवर्णपदकाच्या लढतीत तिला श्रेयांशी परदेशी हिच्याकडून 21-11, 21-18 फरकाने पराभव पत्करावा लागला, त्यामुळे ती रौप्यपदकाची मानकरी ठरली. त्यापूर्वी अनुराने उपांत्यपूर्ल लढतीत वैष्णवी भाले हिला, तर उपांत्य लढतीत रिया मुखर्जी हिला हरविले होते. मिश्र दुहेरीत बोधित जोशी याच्यासह खेळताना अनुराला ब्राँझपदकावर समाधान मानावे लागले. उपांत्य लढतीत त्यांना श्रेयांशी परदेशी व चिराग सेन जोडीकडून 21-8, 21-15 असा पराभव पत्करावा लागला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.