IND v NZ, 1st ODI: इंडियाकडून वनडे पदार्पण केलेल्या अर्शदीप-उमरानची कशी आहे आजपर्यंतची कामगिरी?

न्यूझीलंडविरुद्धच्या पहिल्या वनडेतून शुक्रवारी भारतीय क्रिकेटपटू अर्शदीप सिंग आणि उमरान मलिक यांनी वनडे पदार्पण केले आहे.
Arshdeep Singh, Umran Malik
Arshdeep Singh, Umran MalikDainik Gomantak

IND v NZ, 1st ODI: न्यूझीलंड विरुद्ध भारत संघात शुक्रवारपासून तीन सामन्यांच्या वनडे मालिकेला सुरुवात झाली. या मालिकेतील पहिल्याच सामन्यात भारताच्या अंतिम 11 जणांच्या संघात उमरान मलिक आणि अर्शदीप सिंग या दोन युवा खेळाडूंना संधी देण्यात आली. त्यामुळे या दोघांचेही वनडे पदार्पण झाले आहे.

अर्शदीप आणि उमरान हे वनडे क्रिकेटमध्ये भारताचे प्रतिनिधित्व करणारे अनुक्रमे 248 आणि 249 वे खेळाडू ठरले आहेत. यापूर्वी या दोघांचेही आंतरराष्ट्रीय टी20 क्रिकेटमध्ये पदार्पण झालेले आहे. आता त्यांनी वनडे संघातही जागा मिळवली आहे.

Arshdeep Singh, Umran Malik
India vs New Zealand: वनडेत भारत-न्यूझीलंड संघापैकी कोण ठरलंय वरचढ, पाहा रेकॉर्ड्स

अर्शदीपला कर्णधार शिखर धवनने आणि उमरानला गोलंदाजी प्रशिक्षक साईराज बहुतुले यांनी पदार्पणाची कॅप बहाल केली.

अर्शदीपची कामगिरी

अर्शदीपने (Arshdeep Singh) आत्तापर्यंत 21 आंतरराष्ट्रीय टी20 सामने खेळले आहेत. त्याने जुलै 2022 मध्ये इंग्लंडविरुद्ध पदार्पण केले होते. त्याने खेळलेल्या 21 आंतरराष्ट्रीय टी20 सामन्यांमध्ये 18.12 च्या सरासरीने 33 विकेट्स घेतल्या आहेत.

याशिवाय पंजाबकडून देशांतर्गत क्रिकेट खेळणाऱ्या अर्शदीपने 6 प्रथम श्रेणी सामने खेळले असून 21 विकेट्स घेतल्या आहेत. तसेच लिस्ट ए क्रिकेटमध्ये 17 सामन्यांत 21 विकेट्स घेतल्या आहेत, तर त्याने आजपर्यंत खेळलेल्या एकूण 72 टी20 सामन्यांमध्ये 89 विकेट्स घेतल्या आहेत.

उमरान मलिकची कामगिरी

जून 2022 मध्ये आर्यंलडविरुद्ध आंतरराष्ट्रीय पदार्पण केलेल्या उमरान मलिकने (Umran Malik) आत्तापर्यंत 3 आंतरराष्ट्रीय टी20 सामने खेळले आहेत. यामध्ये त्याने 2 विकेट्स घेतल्या आहेत. त्याने 6 प्रथम श्रेणी सामने खेळले असून त्यात त्याने 11 विकेट्स आपल्या नाववर केल्या आहेत.

जम्मू आणि काश्मीरकडून देशांतर्गत क्रिकेट खेळणाऱ्या उमरानने कारकिर्दीत 3 लिस्ट ए सामनेही खेळले असून त्यात त्याने 2 विकेट्स घेतल्या आहेत. याबरोबरच त्याने आत्तापर्यंत खेळलेल्या 33 टी20 सामन्यांमध्ये 45 विकेट्स घेतल्या आहेत.

Arshdeep Singh, Umran Malik
Team India Viral Video: टीम इंडियाचा स्वॅग, न्यूझीलंडच्या बीचवरील खेळाडूंचा व्हिडिओ व्हायरल

न्यूझीलंडविरुद्धच्या पहिल्या वनडे सामन्यासाठी भारताचा अंतिम 11 जणांचा संघ -

शिखर धवन (कर्णधार), शुभमन गिल, श्रेयस अय्यर, ऋषभ पंत (यष्टीरक्षक), सूर्यकुमार यादव, संजू सॅमसन, वॉशिंग्टन सुंदर, शार्दुल ठाकूर, उमरान मलिक, अर्शदीप सिंग, युझवेंद्र चहल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com