Asia Cup 2022: आशिया कप 2022 ऑगस्ट-सप्टेंबरमध्ये संयुक्त अरब अमिरातीमध्ये होणार आहे. यापूर्वी ही स्पर्धा श्रीलंकेत होणार होती परंतु आर्थिक संकटामुळे आशिया चषक यूएईला हलवावा लागला होता. ही स्पर्धा सुरू होण्यास आता जेमतेम महिना उरला आहे, मात्र चाहत्यांच्या नजरा आतापासूनच या स्पर्धेकडे लागल्या आहेत.
या स्पर्धेचे अधिकृत प्रसारक स्टार स्पोर्ट्सने आता आशिया कपचा प्रोमो प्रसिद्ध केला आहे. या प्रोमोचे शीर्षक आहे 'नंबर-वन मेरा इंडिया, जीतना है अब एशिया' प्रोमोमध्ये विराट कोहली आणि रोहित शर्माची दमदार स्टाइल चाहत्यांच्या मनाला भिडणार आहे.
भारत-पाक होणार सामना
27 ऑगस्ट ते 11 सप्टेंबर या कालावधीत होणाऱ्या आशिया कप 2022 मध्ये सहा संघ सहभागी होणार आहेत. श्रीलंका, गतविजेता भारत, पाकिस्तान, बांगलादेश आणि अफगाणिस्तान याआधीच स्पर्धेसाठी पात्र ठरले आहेत. त्याचवेळी पात्रता स्पर्धेनंतर सहावा आणि अंतिम संघ निश्चित केला जाईल. हाँगकाँग, कुवेत, सिंगापूर आणि यूएई या सहा संघांच्या पात्रता स्पर्धेला 20 ऑगस्टपासून सुरुवात होणार आहे. भारत-पाकिस्तान सामना हे या स्पर्धेचे आकर्षणाचे केंद्र असणार आहे. दोन्ही देशांचे चाहते या सामन्याची आतुरतेने वाट पाहत आहेत.
पहिली स्पर्धा 1984 मध्ये खेळली गेली
आशिया चषक ची सुरुवात 1984 मध्ये झाली होती आणि आतापर्यंत ही स्पर्धा 14 वेळा आयोजित करण्यात आली आहे. टीम इंडिया हा या स्पर्धेतील सर्वात यशस्वी संघ आहे, ज्याने आतापर्यंत 7 वेळा या स्पर्धेचे विजेतेपद पटकावले आहे. या व्यतिरिक्त श्रीलंकेने पाच वेळा आशिया कप ट्रॉफी जिंकली आहे आणि पाकिस्तानने दोनदा. जेथे श्रीलंकेच्या संघाने या स्पर्धेच्या सर्व 14 हंगामामध्ये भाग घेतला आहे. त्याचबरोबर या स्पर्धेत भारत, पाकिस्तान आणि बांगलादेशचे संघ 13 वेळा सहभागी झाले आहेत. टीम इंडिया सध्या आशिया कप चॅम्पियन आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
