एशियन गेम्समधले(Asian Games) सुवर्णपदक विजेते(Gold Medallist) बॉक्सर दिनको सिंह(Boxer Dingko Singh) यांचे निधन झाले आहे. ते 42 वर्षाचे होते. गेल्या काही वर्षांपासून ते आजारी होते. यकृताच्या कर्करोगाने ते ग्रस्त असल्याने त्यांच्यावर 2017 पासून उपचार सुरू होते. मागच्या वर्षी त्यांना करोनाची लागणही झाली होती, पण त्यांनी या आजारावर मात केली होती. काही दिवसांपासून सिंग यांच्यावर आयएलबीएस मध्ये, दिल्ली येथे उपचार सुरू होते.
त्यांची प्रकृती बिघडल्यामुळे त्यांना मागच्या वर्षी मणिपूरहून विमानाने दिल्ली ला आणण्यात आले होते. मात्र तेव्हा त्यांना कावीळ झाल्यामुळे त्यांच्यावर कर्करोगावरील उपचार करता आले नाहीत. आणि म्हणून त्यांना पुन्हा रुग्णवाहिकेतून 2400 किमी लांब असलेल्या मणिपूरला परत नेण्यात आले. 1998 मध्ये बँकॉक येथे झालेल्या आशियाई क्रीडा स्पर्धेत दिनको सिंह यांनी सुवर्णपदक जिंकले. 1998 मध्ये त्यांना अर्जुन आणि 2013 मध्ये पद्मश्री पुरस्काराने सन्मानित करण्यात आले होते. सहा वेळा विश्वविजेता एम.सी. मेरी कोम आणि एल सरिता देवी यांचे प्रेरणास्थान असलेल्या दिनको सिंग यांनी भारतीय नौदलातही सेवा दिली आणि प्रशिक्षक म्हणूनही काम केले आहे, परंतु आजारपणामुळे त्यांना घरीच राहावे लागले.
देशाचे क्रीडामंत्री किरन रिजिजू(Kiren Rijiju) यांनी दिनको सिंह यांच्या निधनाबद्दल शोक व्यक्त केला आहे. रिजीजूंनी आपल्या ट्वीटमध्ये, ”दिनको सिंह यांच्या निधनामुळे अतिशय वाईट वाटत आहे. ते भारताचे आतापर्यंतचे सर्वोत्कृष्ट बॉक्सिंगपटूंपैकी एक होते. 1998 बँकॉक आशियाई क्रीडा स्पर्धेत त्यांनी सुवर्णपदक मिळवल्यामुळे भारतात बॉक्सिंग चेन रिअॅक्शन निर्माण झाली. मी त्यांच्या कुटुंबासाठी शोक व्यक्त करतो.” असे लिहिले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.