एटीके मोहन बागान, बंगळूरला बरोबरीचा गुण

एटीके मोहन बागानसाठी सुभाशिष बोस, ह्यूगो बुमूस व रॉय कृष्णा यांनी, तर माजी विजेत्या बंगळूरसाठी क्लेटन सिल्वा, दानिश फारूख व प्रिन्स इबारा यांनी प्रत्येकी एक गोल केला.
एटीके मोहन बागान, बंगळूरला बरोबरीचा गुण

एटीके मोहन बागान, बंगळूरला बरोबरीचा गुण

Dainik Gomantak

पणजी: एकूण सहा वेगवेगळ्या खेळाडूंनी गोल केलेल्या इंडियन सुपर लीग (ISL) फुटबॉल (Football) लढतीत एटीके मोहन बागान व बंगळूर एफसी (ATK Mohan Bagan and FC Bangalore) यांनी 3-3 गोलबरोबरीसह प्रत्येकी एका गुणाची प्राप्ती केली. सामना गुरुवारी बांबोळी येथील ॲथलेटिक स्टेडियमवर झाला.

एटीके मोहन बागानसाठी सुभाशिष बोस, ह्यूगो बुमूस व रॉय कृष्णा यांनी, तर माजी विजेत्या बंगळूरसाठी क्लेटन सिल्वा, दानिश फारूख व प्रिन्स इबारा यांनी प्रत्येकी एक गोल केला. एटीके मोहन बागानची ही सलग दुसरी बरोबरी ठरली. त्यांचे सहा लढतीनंतर आठ गुण झाले असून ते सहाव्या स्थानी कायम आहेत. ओळीने तीन सामने गमावल्यानंतर बंगळूरला एक गुण मिळाला. त्यांची ही स्पर्धेतील दुसरी बरोबरी असून सात लढतीतून पाच गुणांसह ते नवव्या क्रमांकावर आहेत.

<div class="paragraphs"><p>एटीके मोहन बागान, बंगळूरला बरोबरीचा गुण</p></div>
गोव्याला डावाने पराभवाची सवय, हिमाचलची विजयासह सात गुणांची कमाई

पूर्वार्धात दोन्ही संघ 2-2 असे गोलबरोबरीत होते. बचावपटू सुभाशिष बोस याने 13व्या मिनिटाल कोलकात्याच्या संघास आघाडी मिळवून दिल्यानंतर ब्राझीलियन क्लेटन सिल्वा याने पेनल्टी फटक्यावर बंगळूरचा बरोबरी साधून दिली. या 34 वर्षीय आघाडीपटूचा हा यंदाच्या आयएसएल स्पर्धेतील चौथा गोल ठरला. नंतर 26व्या मिनिटास आयएसएल स्पर्धेतील पहिला वैयक्तिक गोल नोंदवून श्रीनगर येथील दानिश फारूखने बंगळूरला 2-1 असे आघाडीवर नेले. मात्र 38व्या मिनिटास फ्रेंच खेळाडू ह्युगो बुमूसच्या गोलमुळे एटीके मोहन बागानने 2-2 अशी बरोबरी साधली. बुमूसचा हा यंदाचा तिसरा, तर एकंदरीत 22वा आयएसएल गोल ठरला.

सामन्याच्या 58व्या मिनिटास रॉय कृष्णा याने पेनल्टी फटका अचूक मारत एटीके मोहन बागानला पुन्हा वर्चस्व मिळवून दिले. फिजी देशाच्या कर्णधाराने यंदा तिसरा, तर एकदंरीत 32वा आयएसएल गोल केला. कोंगो देशाचा आघाडीपटू प्रिन्स इबारा याने 72व्या मिनिटास कॉर्नर फटक्यावर साधलेल्या हेडिंगमुळे बंगळूर एफसीने पुन्हा बरोबरी साधली आणि नंतर सामना संपेपर्यंत कोंडी कायम राहिली. इबारा याचा हा यावेळचा दुसरा गोल ठरला.

<div class="paragraphs"><p>एटीके मोहन बागान, बंगळूरला बरोबरीचा गुण</p></div>
विराट कोहली प्रकरणावर सौरव गांगुलीचं 'नो कमेंट', BCCI घेणार निर्णय

सुनील छेत्री बदली खेळाडू

यावेळच्या आयएसएल स्पर्धेत हुकमी खेळाडू सुनील छेत्री याला सूर गवसला नसून त्याने गोल केलेला नाही. गुरुवारी बंगळूर एफसीचा हा अनुभवी खेळाडू बेंचवर बसला आणि एटीके मोहन बागानविरुद्ध 85व्या मिनिटास बदली खेळाडू या नात्याने मैदानात उतरला, पण त्याची मोसमातील गोलची पाटी कोरीच राहिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com