गोमंतकीय आघाडीपटू लिस्टन कुलासोची शानदार हॅटट्रिक

एएफसी कप फुटबॉल: बांगलादेशच्या बशुंधरा किंग्जवर चार गोलने सहज मात
Liston Colaco
Liston ColacoDainik Gomantak

कोलकाता : गोमंतकीय आघाडीपटू लिस्टन कुलासोच्या शानदार हॅटट्रिकच्या बळावर एटीके मोहन बागानने शनिवारी बशुंधरा किंग्ज संघावर 4-0 फरकाने एकतर्फी विजय नोंदविला. या निकालामुळे कोलकात्यातील संघाचे एएफसी कप स्पर्धेतील आव्हानही कायम राहिले. (atk mohun bagan beats Bashundhara Kings in aafc football tournament)

Liston Colaco
IPL: राजस्थान रॉयल्सच्या रियान परागने मोडला रोहित शर्मा, जडेजाचा विक्रम

अगोदरच्या ड गट लढतीत गोकुळम केरळाकडून हार पत्करलेल्या एटीके मोहन बागानसाठी शनिवारचा सामना जिंकणे अत्यावश्यक होते. पावसाळी आणि वादळी वातावरणात त्यांनी धडाकेबाज खेळ केला. पूर्वार्धातील अकरा मिनिटांच्या खेळानंतर प्रतिकुल हवामानामुळे सुमारे तासभर सामना खंडित झाला.

Liston Colaco
थॉमस चषक विजेत्यांशी PM मोदींची विशेष बातचीत, खेळाडूंचे केले कौतूक

बशुंधरा किंग्ज हा बांगलादेशातील प्रीमियर लीग विजेता संघ आहे. त्यांच्याविरुद्ध लिस्टनने नऊ मिनिटांत दोन गोल केले. त्याने पहिला गोल 25व्या, तर दुसरा गोल 34व्या मिनिटास नोंदविला. डाव्या पायाच्या सणसणीत फटक्यावर लिस्टनने ५३व्या मिनिटास हॅटट्रिकचा मान मिळविला. एटीके मोहन बागानचा चौथा गोल बदली खेळाडू डेव्हिड विल्यम्स याने 77व्या मिनिटास केला. एटीके मोहन बागानचे आता दोन लढतीतून तीन गुण झाले आहेत. त्यांचा पुढील सामना माझिया क्लबविरुद्ध होईल.

लिस्टनचा धडाकेबाज खेळ

लिस्टनने कार्ल मॅकह्यू याच्या असिस्टवर पहिला गोल केला. नंतर 23 वर्षीय खेळाडूने जॉनी काऊकोच्या अप्रतिम पासवर सामन्यातील वैयक्तिक दुसरा गोल केला. उत्तरार्धात मानवीर सिंगने रचलेल्या चालीवर लिस्टनने प्रतिस्पर्धी खेळाडू खालेद शफी याला गुंगारा दिला. काऊको याच्या जागी मैदानात आलेल्या विल्यम्सने एटीके मोहन बागानच्या विजयावर शिक्कामोर्तब केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com