ATK Mohun Bagan vs FC Goa: एफसी गोवा कोणत्याही प्रतिस्पर्ध्यास हरवू शकतो; पण...

एटीके मोहन बागानविरुद्ध आज फातोर्ड्यात लढत
ISL football Tournament
ISL football TournamentDainik Gomantak

पणजी: आपला संघ कोणत्याही प्रतिस्पर्ध्यास हरवू शकतो, पण मागील लढतीप्रमाणे चुका करता येणार नाही आणि सातत्यपूर्ण खेळ करावा लागेल, असे सांगत एफसी गोवाचे मुख्य प्रशिक्षक कार्लोस पेनया यांनी इंडियन सुपर लीग (आयएसएल) फुटबॉल स्पर्धेत रविवारी (ता. 20) एटीके मोहन बागानला जोरदार प्रतिकार करण्याचे संकेत दिले.

(ATK Mohun Bagan vs FC Goa match in Indian Super League football tournament)

फातोर्डा येथील पंडित जवाहरलाल नेहरू स्टेडियमवर होणारा सामना दोन्ही संघांसाठी महत्त्वाचा आहे. पूर्ण तीन गुण मिळविल्यास त्यांना तिसऱ्या क्रमांकाची संधी राहील. एटीके मोहन बागानचे पाच लढतीतून 10, तर एफसी गोवाचे तेवढ्याच सामन्यांत 9 गुण आहेत. एफसी गोवास मागील लढतीत केरळा ब्लास्टर्सकडून 1-3 फरकाने हार पत्करावी लागली. मोहन बागानने स्पर्धेतील तिसरा विजय नोंदविताना नॉर्थईस्ट युनायटेडला 2-1 असे हरविले.

एफसी गोवा विजयाच्या शोधात

आयएसएल स्पर्धेत एटीके मोहन बागानविरुद्धच्या चार लढतीत एफसी गोवास अजूनही विजय नोंदविता आलेला नाही. गतमोसमात त्यांना दोन्ही लढतीत पराभव पत्करावा लागला होता. एफसी गोवाच्या बचावफळीत रविवारी परदेशी खेळाडू झळकण्याचे संकेत आहेत. सीरियन फारेस अर्नोट, स्पॅनिश मार्क व्हालेंते तंदुरुस्त असून संघासमवेत सराव करत असल्याची माहिती पेनया यांनी दिली.

ISL football Tournament
Rohit Sharma: T20 विश्वचषकातील पराभवानंतर हिट मॅनने उचलले हे पाऊल, दिसणार हटके अंदाजात !

फेर्रांडो यांची सावध प्रतिक्रिया

एटीके मोहन बागानचे मुख्य प्रशिक्षक हुआन फेर्रांडो हे एफसी गोवाचे माजी प्रशिक्षक आहेत. शिवाय कोलकात्याच्या संघातील ह्युगो बुमूस, मनवीर सिंग, लिस्टन कुलासो, लेनी रॉड्रिग्ज हे सुद्धा एफसी गोवाचे माजी हुकमी खेळाडू आहेत.

‘‘एफसी गोवा संघात चांगले नवे खेळाडू आहेत. प्रतिस्पर्धी समतोल असल्याने सामना कठीणच असेल. आमच्याकडेही चांगले खेळाडू आहेत. संघाने चांगला खेळ केला असला, तरी पूर्ण समाधानी नाही. प्रत्येक सामन्यागणिक प्रगती साधण्याचे लक्ष्य आहे,’’ अशी सावध प्रतिक्रिया फेर्रांडो यांनी दिली.

ISL football Tournament
Rohit Sharma: हिट मॅनचा खेळ खल्लास! कर्णधारपदावरुन हटवण्याचा BCCI डाव

आकडेवारीत सामना...

  • एफसी गोवा व एटीके मोहन बागान यांच्यात एकूण 4 सामने

  • एटीके मोहन बागानचे 3 विजय, 1 सामना बरोबरीत

  • गतमोसमात एटीके मोहन बागानची एफसी गोवावर अनुक्रमे 2-1, 2-0 फरकाने मात

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com