Babar Azam: इंग्लंड विरुद्धच्या दुसऱ्या T20 मध्ये, पाकिस्तान (PAK vs ENG) ने अप्रतिम कामगिरी करत 10 विकेट्सने शानदार विजय नोंदवला. पाकिस्तानकडून कर्णधार बाबर आझम आणि मोहम्मद रिझवान यांनी दमदार फलंदाजी करत संघाला 10 गडी राखून विजय मिळवून दिला. प्रथम फलंदाजी करताना इंग्लंडने 20 षटकांत 5 बाद 199 धावा केल्या होत्या, त्यानंतर बाबर आणि रिझवान यांनी मिळून इतिहास रचला. दोघांनी 19.3 षटकांत 203 धावा करुन संघाला 10 विकेटने विजय मिळवून दिला.
सर्वात जलद 8000 धावा करणारा जगातील दुसरा फलंदाज
पाकिस्तानच्या (Pakistan) या ऐतिहासिक विजयात बाबर आझमने (Babar Azam) पुन्हा एकदा अनेक विक्रम आपल्या नावावर केले आहेत, टी-20 क्रिकेटमध्ये 8000 धावा पूर्ण करणारा बाबर हा दुसरा पाकिस्तानी फलंदाज ठरला आहे, तर T20 मध्ये जगातील सर्वात जलद 8000 धावा पूर्ण करणारा बाबर हा दुसरा पाकिस्तानी फलंदाज ठरला आहे.
दरम्यान, पाकिस्तानसाठी बाबरच्या आधी फक्त शोएब मलिकने (Shoaib Malik) टी-20 मध्ये 8000 धावा केल्या आहेत. त्याचबरोबर सर्वात जलद 8 हजार धावा करणारा फलंदाज दुसरा कोणी नसून ख्रिस गेल आहे. गेलने टी-20 मध्ये 213 डावात 8 हजार धावा केल्या होत्या, तर बाबरने आता 218 डाव खेळून हे विशेष स्थान गाठले आहे. याशिवाय भारताच्या विराट कोहलीने 243 डाव खेळून T20 मध्ये 8000 धावा पूर्ण करण्यात यश मिळवले.
2 शतके करणारा एकमेव पाकिस्तानी फलंदाज
याशिवाय, बाबर टी-20 इंटरनॅशनलमध्ये 2 शतके करणारा पाकिस्तानचा एकमेव फलंदाज बनला आहे, याआधी बाबरने 2021 मध्ये सेंच्युरियनमध्ये शतक झळकावले होते.
चेस करताना सर्वाधिक धावांची भागीदारी
याशिवाय, बाबर आणि रिझवानने टी-20 इंटरनॅशनलमध्ये 200 धावांची भागीदारी करुन एक विशेष कामगिरी केली आहे. चेस करताना त्यांनी एकत्रितपणे 203 धावांची भागीदारी केली, जी टी-20 आंतरराष्ट्रीय सामन्यांमध्ये धावा चेस करताना सर्वाधिक धावांची भागीदारी करण्याचा विक्रम आहे.
रिझवान आणि बाबरने धवन आणि रोहितचा विक्रम मोडला
बाबर आणि रिझवान ही आता T20 मध्ये कोणत्याही विकेटसाठी सर्वाधिक धावांची भागीदारी करणारी जोडी बनली आहे. दोघांची सध्या 36 डावात 56.73 च्या सरासरीने 1929 धावांची विक्रमी भागीदारी आहे, ज्यात सात शतके आणि सहा अर्धशतकांचा समावेश आहे. असे केल्याने, दोघांनी शिखर धवन (Shikhar Dhawan) आणि रोहित शर्मा (Rohit Sharma) या भारतीय जोडीला मागे टाकले आहे, ज्यांनी एकत्रितपणे 52 डावात फलंदाजी केली आणि T20 आंतरराष्ट्रीय सामन्यांमध्ये 33.51 च्या सरासरीने 1743 धावांची भागीदारी केली.
कर्णधार म्हणून नंबर वन बनले
यासोबतच, बाबर आंतरराष्ट्रीय क्रिकेटमध्ये पाकिस्तानच्या कर्णधाराकडून सर्वाधिक शतके करणारा कर्णधार बनला आहे. हे करत असताना बाबरने इंझमाम-उल-हकचा विक्रम मोडला. बाबरने आंतरराष्ट्रीय क्रिकेटमध्ये कर्णधार म्हणून 10 शतके झळकावली आहेत, तर इंझमामने कर्णधार म्हणून 9 शतके झळकावली आहेत.
सामन्याबद्दल बोलायचे झाल्यास, कर्णधार बाबरने 66 चेंडूत नाबाद 110 धावा केल्या, तर रिझवानने 51 चेंडूत 88 धावा केल्या. आझमने आपल्या खेळीत 5 षटकार आणि 11 चौकार मारले, तर रिझवानच्या खात्यात 5 चौकार आणि 4 षटकार ठोकले. याआधी इंग्लंडकडून मोईन अलीने 23 चेंडूत 55 धावा केल्या होत्या. त्यामुळे इंग्लंड संघ 199 धावा करु शकला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
