BAN vs IRE: शाकिब अल हसनने रचला इतिहास, बनला जगातील नंबर 1 गोलंदाज

BAN vs IRE: बांगलादेशचा अष्टपैलू खेळाडू आणि कर्णधार शकिब अल हसनने इतिहास रचला आहे.
Shakib Al Hasan
Shakib Al HasanDainik Gomantak

BAN vs IRE: बांगलादेशचा अष्टपैलू खेळाडू आणि कर्णधार शकिब अल हसनने इतिहास रचला आहे. बुधवारी आयर्लंडविरुद्ध खेळल्या गेलेल्या दुसऱ्या टी-20 सामन्यात शकीबने पॉवरप्लेमध्ये 5 विकेट घेत एक मोठा विक्रम केला.

आंतरराष्ट्रीय T20 मध्ये सर्वाधिक विकेट घेणारा जगातील नंबर 1 गोलंदाज

शाकिब टी-20 आंतरराष्ट्रीय सामन्यांमध्ये सर्वाधिक विकेट घेणारा जगातील नंबर 1 गोलंदाज ठरला आहे. त्याने या बाबतीत न्यूझीलंडचा (New Zealand) गोलंदाज टीम साऊदीला मागे टाकले आहे. साऊदीच्या 107 सामन्यात 134 विकेट्स आहेत. 135वी विकेट घेताच शाकिबने त्याला मागे टाकले. शाकिबच्या नावावर 114 सामन्यात 136 विकेट आहेत.

Shakib Al Hasan
SA vs IRE: दक्षिण आफ्रिका संघाला मोठा झटका, कागिसो रबाडा टी-20 मालिकेतून आउट

T20 कारकिर्दीत 450 पेक्षा जास्त विकेट

यासह शाकिबच्या टी-20 कारकिर्दीत 450 हून अधिक विकेट्स आहेत. या बाबतीत तो जगातील पाचवा गोलंदाज आहे. वेस्ट इंडिजचा (West Indies) गोलंदाज ड्वेन ब्राव्होने टी-20 कारकिर्दीत आतापर्यंत सर्वाधिक विकेट्स घेतल्या आहेत. त्याच्या नावावर 615 विकेट्स आहेत. त्याने एकूण 4 षटकात 22 धावा देत 5 बळी घेतले.

5 विकेट घेतल्या

त्याने आपल्या पहिल्या आणि डावातील दुसऱ्या षटकाच्या पहिल्या चेंडूवर लॉर्कन टकरची विकेट घेत आपला जलवा दाखवून दिला. यानंतर चौथ्या षटकाच्या पहिल्या चेंडूवर त्याने रॉस एडेअरला बाद केले. त्याच षटकातील सहाव्या चेंडूवर शाकिबने गारथ डेलानीला लिटन दासकरवी झेलबाद करुन पॅव्हेलियनमध्ये पाठवले.

Shakib Al Hasan
BAN vs ENG: इतिहास घडला! बांगलादेशचा वर्ल्ड चॅम्पियन इंग्लंडला T20 Series मध्ये व्हाईटवॉश

तसेच, दोन षटकांत 3 बळी घेणाऱ्या शाकिबमध्ये उत्साह संचारला. तो आता कुठे थांबणार होता? यातच पॉवरप्लेचे शेवटचे षटक टाकायला शकीब आला.

सहाव्या षटकातील तिसऱ्या चेंडूवर जॉर्ज डॉकरेलला एलबीडब्ल्यू करुन शकीबने आयर्लंडची कंबर मोडली आणि सहाव्या चेंडूवर हॅरी टेक्टरला बोल्ड केले. टी-20 आंतरराष्ट्रीय सामन्यांमध्ये शकीबने दुसऱ्यांदा 5 विकेट्स घेण्याचा कारनामा केला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com