छेत्रीच्या गोलमुळे बंगळूरचा विजयी समारोप

ईस्ट बंगालचा गोलरक्षक सुवम सेन झेपावला, पण तो अपयशी ठरला
Football Tournament
Football TournamentDainik Gomantak

पणजी ः हुकमी अनुभवी खेळाडू सुनील छेत्री याने पूर्वार्धात नोंदविलेल्या गोलच्या बळावर माजी विजेत्या बंगळूर एफसीने आठव्या इंडियन सुपर लीग (आयएसएल) फुटबॉल (Football) स्पर्धेतील मोहिमेचा विजयी समारोप केला. वास्को येथील टिळक मैदानावर शनिवारी त्यांनी ईस्ट बंगालला 1-0 फरकाने निसटते हरविले.

Football Tournament
निकालाआधीच मोर्चेबांधणी; गोवा काँग्रेसच्या रणनीतीची दिल्लीत बैठक

छेत्रीने सामन्यातील एकमात्र गोल 24व्या मिनिटास केला. भारतीय फुटबॉल संघाच्या कर्णधाराचा हा यंदाच्या स्पर्धेतील चौथा गोल ठरला. या 37 वर्षीय आघाडीपटूने आता आयएसएल (ISL) स्पर्धेतील 114 सामन्यांत 51 गोल केले आहेत. नायजेरियन बार्थोलोम्यू ओगबेचे (52 गोल) याच्यानंतर तो दुसऱ्या स्थानी राहिला. बंगळूरचा (Bangalore) हा 20 लढतीतील आठवा विजय ठरला. 29 गुणांसह ते सहाव्या स्थानी राहिले. 20 पैकी 11 सामने गमावलेल्या ईस्ट बंगालवर यंदाच्या स्पर्धेतील मोहीम तळाच्या अकराव्या क्रमांकावरून संपविण्याची पाळी आली. त्यांच्या खाती 11 गुण जमा झाले.

Football Tournament
निकालाआधीच मोर्चेबांधणी; गोवा काँग्रेसच्या रणनीतीची दिल्लीत बैठक

याया बनाना याच्याकडून मिळालेल्या चेंडूवर छेत्रीने प्रतिस्पर्धी बचावपटू अनंत तमांग याला चकवून फटका मारला. त्यावेळी चेंडू अडविण्यासाठी ईस्ट बंगालचा गोलरक्षक सुवम सेन झेपावला, पण तो अपयशी ठरला. त्यापूर्वी दोन मिनिटे अगोदर ईस्ट बंगालच्या अंतोनियो पेरोसेविच याने गोल करण्याची सोपी संधी दवडली होती. समोर केवळ गोलरक्षक लारा शर्मा असताना पेरोसेविच याचा नेम भेदक ठरू शकला नाही. गोलरक्षकाने दक्षता दाखवत चेंडू दिशाहीन केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com