डेव्हलपमेंट लीग फुटबॉल स्पर्धेत बंगळूर एफसीला विजेतेपद

अखेरच्या साखळी सामन्यात केरळा ब्लास्टर्सशी बरोबरी
डेव्हलपमेंट लीग फुटबॉल स्पर्धेत बंगळूर एफसीला विजेतेपद
Football Tournament Dainik Gomarantak

पणजी: बंगळूर एफसीने अपराजित राहताना अखेरच्या साखळी लढतीत केरळा ब्लास्टर्सला गोलशून्य बरोबरीत रोखून गुरुवारी रिलायन्स फाऊंडेशन डेव्हलपमेंट लीग फुटबॉल विजेतेपदावर शिक्कामोर्तब केले. (Bangalore FC wins Development League Football Tournament )

बाणावली येथील मैदानावर झालेल्या लढतीत विजेतेपदासाठी बंगळूर एफसीला बरोबरीचा एक गुण पुरेसा होता. अगोदरच्या सहाही लढतीत विजय मिळविलेल्या बंगळूरने संधी गमावली नाही. गुरुवारी एक गुण मिळाल्यामुळे त्यांचे स्पर्धेत सर्वाधिक 19 गुण झाले. दुसऱ्या स्थानी राहिलेल्या केरळा ब्लास्टर्सचे 16 गुण झाले. हे दोन्ही संघ इंग्लंडमध्ये होणाऱ्या युवा संघांच्या ‘नेक्स्टजन कप’ स्पर्धेसाठी पात्र ठरले आहेत.

Football Tournament
सैनिक व्हायचे होते, नशिबाने बनवले क्रिकेटर, दिल्ली कॅपिटल्सच्या मॅचविनरची कहाणी

स्पर्धेतील आणखी एका लढतीत नागोवा येथील मैदानावर हैदराबाद एफसीने भरपाई वेळेतील गोलमुळे जमशेदपूर एफसीला 1-0 फरकाने हरविले. निर्णायक गोल 90+1व्या मिनिटास अब्दुल राबी याने नोंदविला. स्पर्धेतील चौथ्या विजयामुळे हैदराबादचे 13 गुण झाले. एफसी गोवाचेही तेवढेच गुण झाले. गोलसरासरीत हैदराबादला (+5) तिसरा, तर एफसी गोवास (+1) चौथा क्रमांक मिळाला.

Football Tournament
जीसीए प्रीमियर लीग: स्नेहलने धेंपो क्लबला सावरले

खेळाडूंच्या दर्जाची चाचपणी : मूसा

डेव्हलपमेंट लीग फुटबॉल स्पर्धेमुळे खेळाडूंचा दर्जा व क्षमतेची चाचपणी करता आली. केवळ खेळाडूच नव्हे, तर प्रशिक्षकांसाठीही चांगले स्पर्धात्मक व्यासपीठ लाभले. सारेच संघ तुल्यबळ होते. प्रतिस्पर्धी केरळा ब्लास्टर्सनेही चांगला खेळ केला, त्याबद्दल त्यांचे अभिनंदन. संपूर्ण स्पर्धेत आमच्या खेळाडूंनी अभिमानास्पद कामगिरी बजावली, अशी प्रतिक्रिया विजेत्या बंगळूरचे प्रशिक्षक नौशाद मूसा यांनी सामन्यानंतर दिली.

वैयक्तिक विजेते

- गोल्डन बूट (सर्वाधिक गोल) :राहुल राजू, ७ गोल (बंगळूर एफसी)

- गोल्डन बॉल (स्पर्धेचा मानकरी) :बेके ओरम (बंगळूर एफसी)

- गोल्डन ग्लोव्ह (उत्कृष्ट गोलरक्षक) :सचिन सुरेश (केरळा ब्लास्टर्स)

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.