ICC ODI World Cup 2023: एकदिवसीय विश्वचषक (ODI World Cup 2023) या वर्षी ऑक्टोबर-नोव्हेंबर दरम्यान भारतात खेळवला जाणार आहे. शनिवारी (27 मे) अहमदाबादमध्ये झालेल्या भारतीय क्रिकेट नियामक मंडळाच्या (BCCI SGM) विशेष सर्वसाधारण बैठकीनंतर या स्पर्धेबाबत एक मोठी बातमी समोर आली आहे. एकदिवसीय विश्वचषक 2023 चे वेळापत्रक कधी जाहीर केले जाईल हे निश्चित करण्यात आले आहे.
मीडिया रिपोर्ट्सनुसार, चेन्नई सुपर किंग्ज आणि गुजरात टायटन्स (CSK vs GT) यांच्यात खेळल्या जाणार्‍या IPL 2023 च्या फायनलनंतर ODI वर्ल्ड कपचे ठिकाण घोषित केले जाऊ शकते.
त्याचवेळी, वर्ल्ड कप 2023 चे वेळापत्रक वर्ल्ड टेस्ट चॅम्पियनशिप (WTC Final 2023) च्या फायनलनंतर घोषित केले जाईल. लंडनमध्ये 7 जून ते 11 जून या कालावधीत भारत आणि ऑस्ट्रेलिया यांच्यात हा महान सामना रंगणार आहे.
एकदिवसीय विश्वचषक 2023 (ODI World Cup 2023) 5 ऑक्टोबरपासून सुरु होऊ शकतो आणि अंतिम सामना 19 नोव्हेंबर रोजी खेळवला जाऊ शकतो.
त्याचवेळी, आधीच्या अहवालानुसार, 2023 च्या विश्वचषकात तीन बाद फेरीसह एकूण 48 सामने खेळवले जातील. या मोठ्या क्रिकेट स्पर्धेसाठी बीसीसीआय (BCCI) किमान डझनभर ठिकाणे निवडू शकते. ज्यामध्ये बंगळुरु, चेन्नई, गुवाहाटी, हैदराबाद, कोलकाता, लखनऊ, दिल्ली, धरमशाला, इंदूर, मुंबई आणि राजकोट यांचा समावेश आहे.
आयसीसी विश्वचषक 2023 मध्ये एकूण 10 संघ असतील. यामध्ये भारत (India), इंग्लंड, पाकिस्तान, बांगलादेश, ऑस्ट्रेलिया, न्यूझीलंड, अफगाणिस्तान आणि दक्षिण आफ्रिका हे संघ क्रमवारीनुसार विश्वचषकासाठी पात्र ठरले आहेत.
त्याचवेळी, 18 जून ते 9 जुलै या कालावधीत झिम्बाब्वे येथे होणार्‍या क्वालिफायर स्पर्धेत 10 संघ एकदिवसीय विश्वचषक 2023 मधील उर्वरित दोन स्पॉट्ससाठी स्पर्धा करतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
